Çmimi i gazit natyror duhet të ulet me 15% nga 1 qershori. Këtë propozim ia ka dorëzuar Komisionit për Rregullimin e Energjisë dhe Ujit drejtoresha ekzekutive e Bulgargaz, Denica Zllateva. Fillimisht, më 11 maj, u diskutua që ulja të ishte 11%. Në mbledhjen e hapur të rregullatorit, Zllateva e argumentoi uljen me faktin se që nga fillimi i majit, çmimi i indeksit të aksioneve për muajin e ardhshëm në Evropë është ulur për 14%, dhe pritet të ulet edhe më tej deri në fund të muajit. Rregullatori do të marrë vendimin përfundimtar më 1 qershor, kur do të hyjnë në fuqi edhe çmimet e reja.