Akoma me paraqitjen e saj në reality show-n e parë muzikore në Bullgari "Star Academy" në vitin 2005, Vjara Pantaleeva tërhoqi vëmendjen tonë jo vetëm me zërin e saj të fuqishëm, por edhe me emocionin e thellë në çdo shfaqje të saj. Deri më tani Vjara Panteleeva ka 20 këngë solo, më e fundit prej të cilave - pikërisht e njëzeta me radhë - është "Buzëqeshu". Si në shumicën e këngëve të mëparshme, autori i muzikës, tekstit dhe aranzhimit është burri i saj - Çavdar Collov. Procesi i krijimit të një kënge të re gjithmonë fillon me një bisedë - Vjara i përshkruan Çavdarit se çfarë teme dëshiron të paraqesë kënga, cili është mesazhi. Konkretisht për “Buzëqeshu”, këngëtarja thotë:
Mesazhi është shumë i qartë - “Buzëqeshu”! Pavarësisht gjithçkaje - sepse kemi gjithnjë e më pak raste për të buzëqeshur. Kjo nuk do të thotë se po të mos kemi raste për të buzëqeshur, ne duhet të ndalojmë përpjekjet për t'i krijuar ato. Dhe le të fillojmë me gjërat e vogla - të përqendrohemi në ato gjëra të vogla të përditshme që mund të na bëjnë të lumtur. Sepse mendoj se gjatë viteve të fundit ne e kemi zhvendosur fokusin tonë dhe kemi filluar të kërkojmë, të presim dhe të dëshirojmë vetëm gjëra madhështore. Dhe diku atje humbet gëzimi dhe kënaqësia e gjërave të vogla të jetës sonë të përditshme”.
Në videon e këngës merr pjesë edhe muzikanti Pejo Filipov, ku i bie trumbetës.
Dhe tani le të buzëqeshim të gjithë së bashku!
“Horizont” është një grup me një histori 40-vjeçare. I formuar në vitin 1984 nga shokët e klasës dhe miqtë, grupi i ka mbetur besnik rock-ut melodik për katër dekada. Në vitin 1994 nisi zyrtarisht performanca e tij e parë profesionale në skenën e..
Festivali muzikor Breeze by Exit do të mbahet në qytetin tonë të Detit të Zi, Varna nga 15 deri më 18 gusht. Forumi muzikor është bashkim i dy festivaleve - EXIT (Serbi) dhe Breeze (Bullgari), dhe edicioni pilot do të quhet "Varna Breeze by Exit"...
Pesë muzikantët e grupit vokal "Spektrum" - Spectrum Vocal Band - janë ndër ata që nuk pushojnë së na mahnitur me mundësitë e pafundme të zërave njerëzorë. Ivelina Coneva, Vesella Morova, Konstantin Bejkov, Janko Jankov dhe Daniell Nikollov kanë..
Vera është stina në të cilën zhvillohen festivalet më të shumta dhe të larmishme. Njëri prej tyre fillon sot, më 23 gusht, në Sevlievo. Aty, që nga..