“Në vitin 2022, eksporti i prodhimit të armëve nga Bullgaria u rrit me 200%. Vlera e tyre është më shumë se 1.6 miliardë euro. Rritja e të ardhurave është 220% krahasuar me vitin 2020”, tha për BNT ministri i ekonomisë Bogdan Bogdanov. Viti 2022 është i dyti nga 15 vitet e fundit me rritjen më të madhe të investimeve, shtoi ai. Trendi vazhdon edhe në vitin 2023. Për 4 muajt e parë të vitit, investimet në Bullgari u rritën me 60%. Ministri komentoi se çdo ditë takohet me investitorë ndërkombëtarë dhe kompani vendase që duan të zgjerojnë prodhimin e tyre dhe janë optimistë për pranimin e ardhshëm të Bullgarisë në Shengen dhe në Eurozonë. Interes më të madh ka ndaj rajoneve me infrastrukturë të zhvilluar si Plovdivi, e në vitin e fundit edhe Burgasi, i cili vitin e kaluar ishte në vendin e parë për tërheqjen e investimeve të huaja direkte. Po punohet për të caktuar qytetet Ruse, Pleven dhe Vidin si qendra investimi në Bullgarinë Veriore, tha ministri.
Paga minimale nga viti 2025 duhet të jetë 1080 leva (542 euro), tha Ljubosllav Kostov, kryeekonomist i Konfederatës së Sindikatave të Pavarura në Bullgari. Ai mori pjesë në konferencën "Direktiva evropiane për pagën minimale: mundësitë për sindikatat..
Bordi Drejtues i Bankës Kombëtare Bullgare (BNB) urdhëroi bankat në vend që të aplikojnë një grup minimal prej 6 treguesish për monitorimin e standardeve të kredisë gjatë dhënies dhe rinegocimit të kredive siguruar me pasuri të paluajtshme banesore...
Që nga viti 2007, kur Bullgaria hyri në BE, të ardhurat reale në vend u rritën më shumë se 3 herë. Fuqia blerëse u rrit me 20%. Në vitin 2006, interesi i kredive hipotekare në vend ishte 8%, tani është 2.8%. Për 17 vjet, Bullgaria kontribuoi 9,056..