Kryeministri Nikollaj Denkov do të mirëpresë më 9 tetor të këtij viti kryeministrat e Greqisë, Kyriakos Mitsotakis dhe të Rumanisë, Ion-Marcel Ciolaku  në rezidencën “Evksinograd” afër Varnës. Të ftuar janë edhe presidentja e Komisionit Evropian, Ursula von der Leyen dhe presidentja e Moldavisë, Maya Sandu. Takimi u organizua gjatë vizitës njëditore të Denkovit në Athinë dje, kushtuar të ardhmes evropiane të Ballkanit Perëndimor. Tema kryesore e bisedimeve në Bullgari do të jetë lidhja rajonale dhe më konkretisht projekti për një korridor nga Selaniku përmes Kavallës, Aleksandropolisit, Burgasit dhe Varnës në Konstancë me mundësi shtrirjeje në Moldavi. Ideja është të ndërtohet një infrastrukturë moderne transporti, komunikimi dhe energjie përgjatë rrugës, e cila do të aktivizojë lidhjet ekonomike dhe politike midis vendeve të përfshira.