Prokuroria e qytetit të Sofjes ngarkoi Agjencinë Kombëtare të Sigurisë Shtetërore të kontrollojë pronësinë e kishës “Shën Nikollaj Mirlikijski”, i njohur si Kisha Ruse, pas dy sinjaleve të një grupi përfaqësuesish të popullit dhe shoqatës civile “Boec”.

“Në rrjedhën e saj do të konstatohen fakte dhe rrethana në lidhje me pronësinë dhe të drejtën e shfrytëzimit të tokës si terren dhe të godinës së kishës ortodokse”, sqaroi zëvendës prokurori i qytetit Hristo Krëstev.

Sipas prokurorisë, çështja ka dy aspekte – e para është e drejta e pronës si e drejtë civile dhe e dyta ka të bëjë me kanunet e kishës ose të drejtën kanonike. Një veçori tjetër është se nëse konstatohet një krim i kryer nga një person me status diplomatik, ndaj tij nuk mund të fillohet asnjë ndjekje penale.

Nga prokuroria njoftuan gjithashtu se do të kërkojnë raportin e Agjencisë Kombëtare të Sigurisë Shtetërore, i cili çoi në dëbimin e tre priftërinjve nga Kisha Ruse me dyshimin për spiunazh për Moskën.

• Interesa politike dhe kishtare qëndrojnë pas kazusit me Kishën Ruse në Sofje