Minatorët, energjetikët dhe përfaqësuesit e sindikatave në Termocentralin “Marica Linde 2” dhe “Mini Marica Lindje” refuzuan të bisedojnë me zv/ministrin e energjetikës mbi Planin Territorial të Stara Zagorës. Ata kërkuan që plani të diskutohet edhe për një muaj, sepse ai u publikua mezi më 27 shtator. Protesta u mbajt para Qendrës së Kulturës në Radnevo, ku planifikohej një takim i jashtëzakonshëm mes drejtuesve të sindikatave dhe përfaqësuesve të Ministrive të Energjetikës dhe të  Zhvillimit Rajonal. “Nuk mund të diskutojmë strategjinë e energjisë së Bullgarisë brenda një dite”, tha kryetari rajonal i Konfederatës së Sindikatave të Pavarura Dejan Djakov. Punëtorët nuk janë dakord me Planet e fundit Territoriale. Ata i konsiderojnë të paqarta dhe këmbëngulin që planet të përfshijnë masa konkrete për të krijuar vende të reja pune në rajon dhe për të zgjeruar prodhimin e energjisë elektrike nga qymyri.