Kryeministri i Holandës, Mark Rjute, pret një vlerësim objektiv për Bullgarinë nga Komisioni Evropian. “Për Bullgarinë duhet të jemi të rreptë, por të drejtë. Kjo do të thotë të mos mbulohet e vërteta, të mos ketë rrugë të shkurtra për të hyrë në Shengen. Vendi mund t'i bashkohet Shengenit nëse i plotëson të gjitha kërkesat. Nëse plotësohen kushtet – “po”, nëse nuk zbatohen – jo”, përmblodhi Rjute.

“Ju keni mbështetjen tonë të plotë për Shengenin. Të gjitha kushtet për pranim në zonën Shengen janë plotësuar”. Këtë ia tha zëvendëspresidentja e Komisionit Evropian, Vera Jourova, kryeministrit Nikollaj Denkov në Bruksel. Ajo kujtoi se kryetarja e komisionit, Ursula von der Leyen, mbron të njëjtin pozicion.