Sot para 10 vitesh ndërroi jetë etnomuzikologu dhe producenti muzikor zviceran Marcel Cellier (1925-2013). Ai la një gjurmë të ndritshme në historinë e kulturës muzikore bullgare në vendin tonë dhe në mbarë botën. Marcel Cellier dhe gruaja e tij Catherine i kushtuan një pjesë të madhe të jetës së tyre folklorit bullgar - një dashuri që daton në mesin e shekullit të kaluar, kur dëgjuan për herë të parë këngë popullore bullgare të transmetuara në BNR - muzikë që i mahniti ata dhe lidhi jetën e tyre me “Misteri i Zërave Bullgarë”, kujton Arkivi i BNR-së. Ky është personi që i prezantoi botës shfaqjet e Ansamblit për Këngë Popullore të Radios Bullgare, i cili u bë i njohur në mbarë botën me emrin "Misteri i Zërave Bullgarë".
Marcel Cellier filloi bashkëpunimin me Radion Kombëtare Bullgare duke blerë disa regjistrime për një transmetim radiofonik në Zvicër kushtuar këndimit koral bullgar. Shfaqjet radiofonike 30-minutëshe transmetoheshin një herë në muaj nga viti 1960 deri në vitin 1990. "Misteri i Zërave Bullgarë", siç e quajti transmetimin Catherine Cellier, u bë një markë për Cellier. Në vitin 1975 doli albumi i parë me titull "Misteri i Zërave Bullgarë". Albumi i dytë me të njëjtin titull u nderua me çmimin "Grammy" në kategorinë "Regjistrimi më i mirë tradicional popullor" (Best Traditional Folk Recording) për vitin 1989.
Miqtë dhe adhuruesit do të nderojnë kujtimin e këngëtarit dhe kompozitor të njohur të pop-rokut Georgi Minçev , i cili u largua nga bota jonë 23 vjet më parë. Festivali i muzikës rok dhe blues "Lule për Gosho" zhvillohet më 7 dhe 8 shtator në..
“Mbrëmjet ballkanike” është një nismë që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë muzikore "Vallet ballkanike" me udhëheqës Dimitër Hristov. Ditët në vijim - 6 dhe 7 shtator - do të..
Sonte mbyllet sezoni i nëntë i Operës Verore "Skena e Shekujve" 2024, një forum i madh muzikor i Komunës së Veliko Tërnovës. Dy muajt e fundit u ofruan banorëve dhe vizitorëve të kryeqytetit të vjetër bullgar koncerte, shfaqje opere dhe baleti,..
Muzikantët nga DEEP ZONE Project na ofrojnë përsëri një kombinim të tingullit të klubit me atë të folklorit bullgar në këngën e tyre "Diçka më e..