Nxënësit e Shkollës së Mesme të Bashkuar "Imer Mata" në fshatin Zapod të rrethit të Kukësit morën dhurata për Vitin e Ri nga Ambasada Bullgare në Shqipëri - njofton Shoqata "Bullgarët në Shqipëri" me kryetar Ahmet Bala. U bë traditë dhënia e dhuratave për fëmijët në fundvit, gjë për të cilën u janë mirënjohës mësuesit dhe prindërit, thuhet në njoftim. Fëmijët u larguan me çanta shpine plot me gjëra të mira, ëmbëlsira dhe sende të dobishme të shënuara me simbole bullgare.
“I jemi pafundësisht mirënjohës Ambasadës së Republikës së Bullgarisë në Shqipëri për donacionet e vazhdueshme për shkollën tonë”- shkruan në faqen e tyre në Facebook dhe nga Shkolla “Imer Mata”.
Kujtojmë se në muajin shtator në të njëjtën shkollë u hap edhe salla e parë e shkollore kompjuterike në të gjithë rajonin e Gorës së Kukësit. Pas idesë qëndrojnë përpjekjet e disa donatorëve bullgarë, Shoqatës Bullgare "Nasha Gora" dhe Ambasadës së Republikës së Bullgarisë në Tiranë.
Më shumë foto dhe video nga atmosfera në shkollë pas dorëzimit të dhuratave për Vitin e Ri nga pala bullgare mund të shihni nga publikimi në faqen e Facebook-ut të Shkollës "Imer Mata" KËTU.
Përpilues: Krasimir Martinov
Përgatiti në shqip dhe publikoi: Svetllana Dimitrova
Në ditët më të nxehta të verës, anëtarët e Organizatës “Greenpeace” udhëtojnë në të gjithë vendin për të treguar se sa nxehtë është në mjedisin urban. Me ndihmën e kamerave termike zbulojnë temperaturën përreth ndërtesave, e cila në qytete si Plovdiv..
“48 orë Varusha-jug” mbahet në periudhën nga 16 deri më 18 gusht në qytetin Veliko Tërnovo. Festivali paraqet mundësitë e lagjes për kulturë, sport, aktivitete për të gjithë familjen, lidhje me natyrën, veprimtari edukative. Ngjarja është një nismë e..
Nxënësit e tri shkollave bullgare në Itali krijuan atlasin e parë të këtij lloji për vëllezërit e shenjtë Kirill dhe Metodij . Projekti realizohet në kuadër të Programit Kombëtar "Histori të patreguara të bullgarëve" të Ministrisë së Arsimit,..
Ekspozita, lexime malore nga librat për Bullgarinë, poezi dhe muzikë - këto janë vetëm një pjesë e programit të Bibliotekës së Kryeqytetit me rastin..