Basketbollisti Aleksandër Vezenkov fitoi çmimin Sportist numër 1 i Bullgarisë për vitin 2023. Ky është çmimi i dytë radhazi për basketbollistin më të mirë bullgar, i cili tashmë drejton ekipin e “Sacramento Kings” në “Asociacionin Kombëtar të Basketbollit” të SHBA-së. Ai mblodhi 1009 pikë dhe kryesoi edicionin e 66-të të sondazhit tradicional të kryer nga Shoqata Bullgare e Gazetarëve Sportivë. Vezenkov u bë numri 1 edhe në votën e tifozëve.
Për çmimin u nominuan 69 sportistë. Tenisti numër 1 i Bullgarisë Grigor Dimitrov përfundoi në vendin e dytë me 711 pikë. Treshja u plotësua nga notari Petër Micin me 684 pikë. Me 587 pikë, Albert Popov, i vetmi bullgar në elitën e skive alpine, u rendit i katërti. Peshëngritësi Karllos Nasar përfundoi i pesti në sondazh me 572 pikë. Nurgyll Salimova (shah) u rendit e gjashta në renditjen për "Sportisti i Vitit" me 459 pikë. Gjimnastja Borjana Kalejn fitoi vendin e shtatë me 301 pikë.
Vendin e parë në mesin e ekipeve e fitoi ekipi kombëtar bullgar i shahut për femra me 940 pikë. Në kategorinë për sportistë me aftësi të kufizuara të Bullgarisë për vitin 2023 fitoi atleti Hristijan Stojanov me 430 pikë. Fituesi në edicionin e 40-të të sondazhit për "Trajnerin e Vitit" në Bullgari, organizuar nga gazeta “Trud” u bë Nikollaj Vakareev, trajner personal i notarit Petër Micin, me 115 pikë.
"Njeriut i duhet shumë pak për të krijuar kushte që ne të jemi bashkë" - këto janë fjalët e të riut Stanisllav Grozdanov dhe ato bëhen një forcë shtytëse për "zgjimin" e një fshati bullgar në mes të verës futbollistike në kontinentin e vjetër. Vetëm 68..
Kampioni evropian i notimit, Ljubomir Epitropov, zëvendëson shokun e tij të skuadrës Petër Micin si flamurtar i delegacionit bullgar gjatë ceremonisë së hapjes së Lojërave Olimpike në Paris më 26 korrik, njoftoi Komiteti Olimpik Bullgar. Asambleja..
Tenistja më e mirë bullgare Viktoria Tomova arriti në çerekfinale të turneut me bar WTA 500 në Bad Homburg. Ajo korri fitoren e tretë radhazi në qytetin gjerman – një në kualifikimet dhe dy në skemën kryesore. Viktoria Tomova fitoi me 6:4, 6:2..