Bullgaria mund të mbështetet në përkrahjen e Gjermanisë për anëtarësimin në Eurozonë dhe heqjen e kufijve tokësorë në Shengen. Kancelari gjerman Olaf Sholc e dha këtë garanci në një bisedë me kryeministrin Nikollaj Denkov në Bruksel, njoftoi shërbimi për shtyp i qeverisë. Denkov foli “sy më sy” edhe me kryeministrin e Finlandës, Peteri Orpo, i cili gjithashtu siguroi se Helsinki e mbështet Bullgarinë për Eurozonën dhe Shengen. Denkov i njohu partnerët me situatën fiskale në vend, borxhin e ulët të jashtëm dhe deficitin. “Ne presim që inflacioni të jetë brenda rregullave të Mastrihtit deri në fund të vitit. Jemi duke punuar për datën 1 janar 2025 për sa i përket Eurozonës”, theksoi kryeministri. Kryeministrat e Holandës, Belgjikës, Sllovenisë dhe Estonisë - Mark Rjute, Aleksandër de Kro, Robert Golob dhe Kaja Kalas - gjithashtu dhanë mbështetjen e tyre për hyrjen e Bullgarisë në Eurozonë dhe rënien e kufijve tokësorë të Shengenit.