Gjatë natës moti do të jetë kryesisht i kthjellët. Era do të shuhet. Temperaturat minimale do të lëvizin ndërmjet 6° dhe 11°, pak më të ulëta në luginat në Bullgarinë Jugperëndimore, në Sofje rreth 3°.

Të martën do të jetë me diell dhe e ngrohtë me re të shpërndara të larta. Para mesditës në Bullgarinë Veriore do të fryjë ende erë e fort. Pas mesditës era do të dobësohet deri në mesatare në të gjithë vendin  dhe do të orientohet nga perëndimi-jugperëndimi. Temperaturat e ditës do të vazhdojnë të rriten dhe maksimalet do të jenë kryesisht ndërmjet 17° dhe 22°, në Sofje rreth 16°.

Në zonat malore vranësira do të jetë e ndryshueshme, më e theksuar mbi malin Stara Pllanin, por reshje pothuajse nuk do të ketë. Aty do të fryjë erë e fortë veriperëndimore, ndërsa në masivet jugore do të fryjë erë mesatare. Temperatura maksimale në 1200 metra do të jetë rreth 11°, në 2000 metra - rreth 3°.

Përgjatë bregdetit të Detit të Zi do të mbajë mot kryesisht me diell. Do të fryjë erë mesatare nga drejtimi perëndimor-jugperëndimor. Temperaturat maksimale do të jenë 17°-19°. Temperatura e ujit të detit është 6°-7°.