Më 14 shkurt, Kisha Ortodokse Bullgare përkujton Fjetjen e Shën Kirilit Sllavobullgar - shkencëtar, teolog, edukator, krijues i alfabetit të parë sllav dhe një nga figurat më të ndritura të Evropës Mesjetare. I lindur në Selanik në vitin 827 me emrin laik Konstantin, ai tregoi një talent mbresëlënës në të mësuar. Ai u diplomua në Shkollën prestigjioze e Magnaurit në Kostandinopojë, ku mbeti mësues dhe u quajt me respekt Konstantin Filozof. Perandorët bizantinë e përcollën atë së bashku me vëllain e tij Metodij në një sërë udhëtimesh diplomatike dhe misionare te arabët, hazarët dhe alanët. Dy vëllezërit krijuan alfabetin glagolitik, alfabetin e parë sllav dhe filluan përkthimin e librave liturgjikë.
Gjatë misioneve në Moravinë e Madhe dhe Panoninë, të dy përhapën krishterimin midis sllavëve atje. Misioni i fundit i dy vëllezërve ishte në Romë në vitin 867. Ata u pritën personalisht nga Papa Adriani II dhe gjatë misionit të gjatë 14 mujor, ai bekoi përkthimet sllave si të barabarta në shërbimin e greqishtes dhe latinishtes. I rraskapitur nga udhëtimet e mundimshme, Shën Konstantin u sëmur dhe vdiq në Romë më 14 shkurt të vitit 869, në moshën 42 vjeçare. Me kërkesë të vëllait të tij, ai u varros në Bazilikën e San Klemente.
Më 17 prill, 80 vjet më parë, ndodhi bombardimi i fundit dhe më brutal i Sofjes gjatë Luftës së Dytë Botërore. Në vitin 1944, më 17 prill në mesditë, 350 bombardues amerikanë, të shoqëruar nga gjuajtësit “Thunderbolt” dhe “Mustang”, hodhën 2500 bomba..
Më 12 prill, festojmë Ditën Ndërkombëtare të 55-të të Aviacionit dhe Astronautikës. Në këtë datë të vitit 1961, në orën 6 e 7 minuta Greenwich (9 orë e 7 minuta me orën e Moskës), me anijen "Vostok 1" Juri Gagarin filloi turneun e tij të paharrueshëm..
Gati 11 për qind e popullsisë në Bullgari, ose rreth 639 000 njerëz, e identifikojnë veten si myslimanë sipas të dhënave të regjistrimit të vitit 2021. Vetëm popullsia turke numëron 508 378 veta. Pjesa më e madhe e popullsisë myslimane jeton në..