Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Grupi P.I.F. dhe kënga e tyre më е fundit “Të çmendur”

Foto: facebook.com/pifband

Grupi P.I.F. vazhdon të realizojë këngë të reja pas humbjes së drejtuesit dhe autor kryesor të muzikës - Dimo ​​Stojanov. Edhe më sot kolegët e tij vazhdojnë të ndjekin konceptin e tij të tingëllimit të këngëve të grupit. Kështu është edhe me këngën “Të çmendur” – Dimo ​​e krijoi muzikën e bazuar në tekstin e Radost Kostova 21 vjet më parë, posaçërisht për Niki Urumov – e regjistruar atëherë, por nuk u prezantua kurrë para publikut. Tani Niki e incizoi përsëri këngën me grupin P.I.F. Regjistrimi i ri përfshin edhe vokalin autentik të Dimos të 21 viteve më parë.

Niki Urumov njihet si producent filmash dhe televizioni, por në të kaluarën edhe si solist i grupeve "BG Rok" dhe "Epizod", pas së cilës realizoi edhe disa këngë solo. Ai pranon se i mungon skena. Atij iu desh shumë kohë dhe energji për të interpretuar “Të çmendur” dy dekada më vonë, por ndjesia ishte shumë e fortë. Për atë që dëshiron t'u përcjellë dëgjuesve, Niki ndan:

“Mbi të gjitha dua që ta ndjejnë mesazhin sepse kjo këngë është një paralajmërim. Edhe pse u krijua 21 vjet më parë, sot tingëllon shumë më aktuale dhe më e rëndësishme.Rreziku që po vjen nga shumë drejtime – me të vërtetë dua që njerëzit ta kuptojnë. Sepse nëse ne kërkojmë ndryshim, ky ndryshim mund të vijë vetëm nga ne. Nuk ka nga të vijë - kushdo që të vijë nuk do të jetë në gjendje të ndryshojë asgjë nëse ne vetë nuk ndryshojmë dhe nuk kërkojmë diçka ndryshe nga ajo që njerëzit kërkojnë aktualisht në masë."

Përgatiti në shqip dhe publikoi: Svetllana Dimitrova




Последвайте ни и в Google News Showcase, за да научите най-важното от деня!

Më shumë nga rubrika

Stefan Diomov

Kompozitori i dashur Stefan Diomon feston jubileun e tij të 80-të

Më 16 shkurt, një nga kantautorët më të dashur bashkëkohor – Stefan Diomov – mbush 80 vjeç. Shpirti i tij djaloshar u ka dhënë jetë dhjetëra hiteve të këngëtarëve dhe grupeve tona më të njohura, por kompozitori krijon edhe muzikë për dokumentarë, shfaqje..

botuar më 25-02-16 6.05.PD

"Dashuria dhe vera"

Kënga "Dashuria dhe vera" u interpretua nga ylli i muzikës pop bullgare Jordanka Hristova në vitin 2023, disa ditë para 14 shkurtit. Si data, ashtu edhe kënga bashkojnë dy festa - të verës dhe të dashurisë: “ Çfarë është vera pa dashuri? Çfarë është..

botuar më 25-02-14 6.00.PD
Hristo Jocov

Prof. Hristo Jocov – mes klasikës dhe xhazit, ku historitë përjetohen

"Një koncert me muzikë origjinale është një mënyrë e shkëlqyer për të festuar ditëlindjen," thotë me buzëqeshje një nga muzikantët më të shquar dhe krijues të xhazit në skenën bullgare, perkusionisti Hristo Jocov. Një fjalë e thënë, një gur i hedhur (Që..

botuar më 25-02-13 9.05.MD