Ministri i brendshëm Kalin Stojanov deklaroi se paraardhësi i tij Bojko Rashkov /PP-DB/ e ka njohur atë me Stefan Dimitrov dhe babain e tij Marin Dimitrov, të cilët u akuzuan për kontrabandë javën e kaluar.

Ata së bashku me ish-drejtoren e doganave, Petja Bankova, u akuzuan si pjesëmarrës në një grup të organizuar kriminal për kontrabandë. Stojanov e bëri deklaratën e tij për gazetarët në parlament përpara se të dëgjohej nga komisioni i përkohshëm për hetimin e praktikave të korrupsionit në Agjencinë “Dogana”. Para disa ditësh në media u përhapën fotografi në të cilat Stefan Dimitrov dhe Marin Dimitrov pozojnë me ish-kryesekretarin e MPB-së Zhivko Kocev dhe me Bojko Rashkovin. Pas kësaj, Kocev u lirua me dekret të Presidentit Rumen Radev me propozimin e qeverisë së re teknike me kryeministër Dimitër Gllavçev. Bankova u shkarkua gjithashtu nga posti i drejtoreshës së doganave.

• Dimitër Kangallxhiev merr postin vakant të kryesekretarit të Ministrisë së Punëve të Brendshme

• Presidenti shkarkoi nga detyra kryesekretarin e Ministrisë së Brendshme

• Shefja e Agjencisë “Dogana” Petja Bankova është ndaluar për 72 orë