Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Në Bansko mbahet një kurs trajnimi ndërkombëtar për qentë e shpëtimit

8
Foto: Facebook / Grupi i Shpëtimit me qentë e Shërbimit të Shpëtimit Malor pranë Kryqit të Kuq Bullgar

Mbi 30 kujdestarë dhe instruktorë të qenve të shpëtimit po punojnë në terren në zonën e skive sipër Banskos, në kuadër të Kursit Ndërkombëtar të Trajnimit për qentë e shpëtimit nga 10 deri më 14 prill. Në faqen e saj zyrtare në Facebook, Bashkia e Bansko-s njofton se ato ushtrohen për të qënë në gadishmëri në raste orteku, kërkim të njerëzve të humbur në male, shpëtim në raste tërmeti dhe fatkeqësi të tjera.


Përveç 20 kujdestarëve të qenve nga Bullgaria, në kursin e trajnimit marrin pjesë edhe kujdestarë dhe instruktorë nga Republika Çeke, Rumania dhe Sllovakia. Si një lloj mirënjohjeje e shoqërisë për profesionalizmin e shpëtimtarëve nga Skuadra Bansko e Shërbimit të Shpëtimit Malor, organizimi dhe mikëpritja u është besuar atyre.

Edicioni përvjetor i Kursit Ndërkombëtar i kushtohet 50 vjetorit të krijimit të Grupit të Shpëtimit me qentë e Shërbimit të Shpëtimit Malor. Në fund të trajnimit katërditor në terrenin e trajnimit për ortekët në majën Todorka, pjesëmarrësve të kursit do t'u bashkohen edhe veteranët - ish-kujdestarë të qenve të shpëtimit, si dhe mysafirë të tjerë, profesioni i të cilëve ka të bëjë me shpëtimin malor.

Përpiloi: D. Grigorova

Foto: Facebook / Grupi i Shpëtimit me qentë e Shërbimit të Shpëtimit Malor pranë Kryqit të Kuq Bullgar

Përgatiti në shqip dhe publikoi: Kostandina Bello



Последвайте ни и в Google News Showcase, за да научите най-важното от деня!

Më shumë nga rubrika

Një nekropol dhe një manastir u zbuluan në terren për një stacion të ri autobusi në Sozopol

Arkeologët zbuluan gjetje të jashtëzakonshme gjatë gërmimeve për një stacion të ri autobusi në qytetin Sozopol të Detit të Zi. U zbulua një manastir që daton rreth fundit të shekullit të XI-të. Brenda kufijve të tij u gërmua edhe një kishë nga..

botuar më 24-05-20 8.18.MD

Gazetaria tradicionale në vendin tonë nuk ka audiencë rinore

Sipas hulumtimit të Institutit Kombëtar të Statistikave për vitin 2023 mbi 88% e familjeve në Bullgari kanë akses të vazhdueshëm në internet. Shumica e përdoruesve përdorin në mënyrë aktive rrjetin online çdo ditë, ndërsa mbi 95% e tyre janë gjithashtu..

botuar më 24-05-20 7.30.PD

Tregu emblematik i mbuluar i Sofjes së shpejti do të jetë sërish i hapur për vizitorët

Riparimi i shumëpritur në shkallë të gjerë dhe restaurimi i pamjes dhe funksioneve origjinale të ndërtesës të njohur si " Halite "  në Sofje tani ka përfunduar. Vizitorët e parë do të mund të hyjnë dhe të blejnë atje më 23 maj. Kjo u raportua për..

botuar më 24-05-19 8.20.PD