“Në fakt mediat pas dixhitalizimit humbën audiencën e re, e cila lexon ndonjë lajm vetëm nëse ndodh që ai të promovohen në rrjetet sociale. Kjo do të thotë se nëse ne /gazetarët/ vazhdojmë të mos jemi të interesuar për këtë fenomen, gjithçka do të kalojë në rrjetet sociale. Por çfarë është e rëndësishme për ne nëse duam të krijojmë një audiencë të ardhshme? – pyet gazetarja Evelina Andreeva. Për të dhënë një përgjigje, ajo zhvilloi një kërkim mes 20-30-vjeçarëve dhe rezultatet i përmblodhi në librin e saj "Njeriu mediatik: Nga bota analoge në universin dixhital".

Rezulton se ajo që i bezdis më shumë të rinjtë në gazetarinë tradicionale është manipulimi, pastaj informacioni për sëmundjet dhe problemet dhe në vend të tretë lajmet e shumta të politikës.

“Ky brez “Z” /të lindurit në dekadën e fundit të shekullit të XX-të/, do optimizëm, guxim dhe dritë në rrugën e tij dhe kur nuk e gjen – largohet. Ky është problemi kryesor për të cilin të rinjtë përdorin rrjetet sociale. Ata nuk u besojnë mediave dhe kanë disa arsye për ta bërë këtë. Ata nuk u besojnë as politikanëve. Gjenerata Z nuk dëshiron të rritet, ata duan të jetojnë në flluskën e tyre të suksesit dhe sa më shpejt të arrihet ai sukses, aq më mirë. Ata duan të dëgjojnë histori për njerëz të suksesshëm, por që kjo të mos të ketë ndodhur në moshën 59 vjeçare, por që njerëzit të jenë bërë të suksesshëm që në moshën 20 dhe 30 vjeçare. Për më tepër, ata besojnë se temat më të rëndësishme që i prekin lidhen me realizimin e tyre profesional, me marrëdhëniet mes njerëzve. Në vend të tretë ata vendosin dashurinë, sepse pa dashuri mund të jetosh, por vetëm me dashuri, pa karrierë, përmbushje profesionale dhe siguri materiale, nuk mundesh”.

Evelina Andreeva ndan edhe faktin se të rinjtë bullgarë i largohen politikës. Në të njëjtën kohë, ata kanë një qëndrim interesant ndaj qëndrimit të gazetarit – “presin që gazetarët të shprehin mendimin e tyre personal, diçka që është krejtësisht e ndaluar në agjencitë e lajmeve, ku faktet janë në plan të parë”.

Si personazh mediatik me përvojë shumëvjeçare në Agjencinë Telegrafike Bullgare, Evelina Andreeva pret që t'i kushtohet më shumë vëmendje burimeve të informacionit dhe opinionistëve tek të rinjtë. Sipas saj, ndoshta nuk do të jetë e largët koha kur mediat në Bullgari të humbasin plotësisht audiencën. “Dhe gjëja tjetër që më duket shumë e rëndësishme – thotë ajo – është se lajmet për të rinjtë duhet të bëhen nga të rinjtë”.

“Nga hulumtimi që kam bërë vitin e kaluar, rezultoi se 62% e të rinjve nuk i kuptojnë lajmet. Kjo lidhet nga njëra anë me arsimimin e tyre. Nga ana tjetër. Vëmendja e tyre nuk zgjat më shumë se 6 - 7 sekonda. Pasi dëgjojnë njoftimin, fjalinë e parë dhe titullin, pastaj humbasin interesin dhe prej andej humbasin lidhjen me atë që ne po përpiqemi të komentojmë dhe raportojmë. Është interesante edhe se kë zgjedhin si një mentor nga i cili do të donin sqarim dhe analizim të lajmeve. Në vend të parë përmendin prindërit, pastaj vijmë influencerat, drejtuesit e podkasteve dhe YouTubers-at, por jo drejtuesit e opinionit publik që i njohim nga fundi i shekullit të kaluar, që janë figurat që bëjnë xhiron në televizion dhe radio."

Libri që shqyrton sjelljen mediatike të të rinjve bullgarë është shkruar nga vetë Evelina Andreeva, por paragrafi i fundit është vepër e inteligjencës artificiale - qëllimi është të kemi një shumëpikësh dhe ta mbajmë të hapur temën. “Bullgaria po zhvillohet pak më ngadalë në drejtimin mediatik se sa bota, kështu që nëse interesohemi më shumë se çfarë ka bërë bota në drejtimin mediatik, ne mund të përdorim të mirat dhe t'ia kursejmë vetes gabimet”, është e bindur Evelina Andreeva.