Deri më 31.12.2023, në Bullgari ka 1 104 198 fëmijë nën moshën 17 vjeç, ose 17,1% e popullsisë së përgjithshme. Këtë e tregojnë të dhënat e përgatitura nga Instituti Kombëtar i Statistikave dhe UNICEF-i i Bullgarisë, me rastin e 1 qershorit – Ditës Ndërkombëtare të Fëmijëve.

Para zgjedhjeve për Parlamentin Evropian, pesë organizata për të drejtat e fëmijës - Child Fund Alliance, Eurochild, Save the Children, SOS Fshatrat e Fëmijëve dhe UNICEF - iu drejtuan fëmijëve dhe të rinjve të BE-së, përfshirë nga Bullgaria, për të mësuar rekomandimet e tyre për pushtetarët, vë në dukje Instituti Kombëtar i Statistikave. Rezulton se sipas 75% të fëmijëve, prioritet në arsim duhet të jenë aftësitë për jetën.

70% e fëmijëve rekomandojnë që t'u jepen më shumë mundësi për të marrë pjesë në vendimmarrje për të siguruar që pikëpamjet e tyre të dëgjohen për çështjet që ndikojnë në jetën e tyre.

Fëmijët i nxisin të rriturit të kujtojnë se fëmijët nuk janë vetëm e ardhmja. Prioritetet e tyre kanë rëndësi këtu dhe tani.