Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Ditët e jogës mbledhin adhurues të praktikave shpirtërore në Bullgari

Foto: FB / idayofyogabulgaria

Për të dhjetën vit radhazi në ditët rreth 21 qershorit, shumë vende të botës festojnë festivalin e jogës. Në Bullgari, nga 15 deri më 23 qershor, 44 vendbanime, duke përfshirë qytetet më të mëdha - Sofje, Plovdiv, Stara Zagora, Burgas, Varna, Ruse, Veliko Tërnovo, Pleven, etj., do të marrin pjesë në festë me programe të ndryshme. Në Sofje, aktiviteti tradicionalisht bashkon leksione dhe praktika të ndryshme me mësuesit më të mirë të certifikuar dhe përfaqësues të shkollave të famshme të jogës, ku kulminacioni do të jetë më 23 qershor nga ora 10:00 deri në orën 18:30 në Pallatin Kombëtar të Kulturës.

Festimi i Ditës Ndërkombëtare të Jogës në Bullgari zhvillohet nën patronazhin e Ambasadorit të Republikës së Indisë Shkëlqesia e tij z. Sanjay Rana dhe organizohet nga Federata Bullgare e Jogës, Fondacioni Ideologjik "Lindje-Perëndim" dhe Shoqata "India".

Interesi për jogën si në nivel institucional ashtu edhe si zhvillim personal në Bullgari daton që nga vitet 1920. Në ditët e sotme, praktikat e jogës në vendin tonë janë lehtësisht të aksesueshme përmes një rrjeti të gjerë studiosh jogash në të gjitha qytetet kryesore, në shumicën e qyteteve më të vogla, si dhe në disa fshatra. Trajnimi bëhet gjithashtu edhe në disa kopshte, shkolla dhe universitete, ku joga në mënyrë më të detajuar dhe më të kualifikuar mësohet në Akademinë Kombëtare të Sporteve "Vasill Levski" dhe në kurset sistematike indiane në vendin tonë. Nuk është rastësi që gjatë festimit të parë të Ditës Ndërkombëtare të Jogës në vitin 2015, Bullgaria u rendit në vendet kryesore për sa i përket njohurive dhe arritjeve në fushën e jogës.

Përpiloi: Darina Grigorova
Foto: Facebook / idayofyogabulgaria
Përgatiti në shqip dhe publikoi: Kostandina Bello



Последвайте ни и в Google News Showcase, за да научите най-важното от деня!

Më shumë nga rubrika

Ivo Mihov

Në Universitetin e Sofjes po punohet për krijimin e një kompjuteri kuantik

Inteligjenca artificiale tani është krijuar tërësisht nga kompjuterët klasikë me algoritme, ndërsa inteligjenca artificiale e bazuar në kompjuterë kuantikë do të jetë shumë më e shpejtë dhe më funksionale, thotë doktoranti Ivo Mihov nga Qendra për..

botuar më 25-02-25 11.25.PD

Tre vjet më vonë - për luftën në Ukrainë, paqen dhe të ardhmen

Pikërisht 3 vjet më parë, më 24 shkurt, filloi pushtimi rus i Ukrainës - një ngjarje që zgjoi Evropën 77 vjet pas përfundimit të Luftës së Dytë Botërore dhe vuri në pikëpyetje një nga synimet kryesore të BE-së - parandalimin e një konflikti të ri në..

botuar më 25-02-24 9.00.MD
Ivajllo Naçev

Shkencëtarët bullgarë në Antarktidë analizojnë aktivitetin diellor dhe ndikimin e tij në Tokë

Në bazën bullgare të Antarktidës “Shën Kliment Ohridski” janë instaluar pajisje matëse që mbledhin të dhëna të vlefshme për aktivitetin diellor dhe lidhjen e tij me fushën magnetike të Tokës për dy muaj. Studimet po kryhen në kuadër të projektit të..

botuar më 25-02-23 7.25.PD