Ministri në detyrë i punëve të brendshme Kalin Stojanov akuzoi përfaqësuesin e popullit nga “Po e vazhdojmë ndryshimin – Bullgaria Demokratike “ (PP-DB) Bozhidar Bozhanov për ndërhyrje arrogante politike në punën e Ministrisë së Punëve të Brendshme.
Para gazetarëve ai tha se më 14 gusht, deputeti telefonoi drejtorin e Departamentit të Krimit Kibernetik në Drejtorinë Kryesore “Lufta kundër Krimit të Organizuar” për të kërkuar informacione për materialet që kanë të bëjnë me një hetim specifik. “Sipas Kushtetutës, deputetët e kanë të drejtën të bëjnë pyetje përmes Kryetarit të Kuvendit Populor, të cilave do t'u përgjigjet me shkrim ose me gojë, por jo të thërrasin punonjësit dhe t'i pyesin se për çfarë sinjalesh po punojnë”, tha Kalin Stojanov.
Sipas tij, PP-DB nuk duan që ai të mbetet ministër në qeverinë e re të përkohshme, sepse ai është garant që nuk lejohet një ndërhyrje e tillë në punën e strukturave të dikasterit. Kalin Stojanov ende nuk ka ftesë për të marrë pjesë në kabinetin e kandidates për kryeministre Gorica Kozhareva.
Në përgjigje të akuzave, Bozhidar Bozhanov deklaroi se Kalin Stojanov në mënyrë të palejueshme i shfrytëzon kontaktet e punës për t'i kthyer ato në një intrigë politike. Ai shpjegoi se telefonata e tij ishte për shkak të uebsajtit satirik të rrëzuar "Fillimi i ri" i të rinjve që janë anëtarë të partisë së tij "Po, Bullgaria".
“Nga kompania shpërndarëse mësuam se kjo ishte me kërkesë të Drejtorisë Kryesore “Lufta kundër Krimit të Organizuar”, por ata nuk pranuan të na japin informacion. Prandaj telefonova shefin e Departamentit “Krimi Kibernetik”, me të cilin kemi vite në komunikim pune, për ta pyetur nëse të rinjtë kanë kryer ndonjë shkelje. Nuk mora ndonjë informacion të tillë”, tha Bozhidar Bozhanov.
Kuvendi Popullor nuk miratoi projektvendimin për të udhëzuar Këshillin e Ministrave për përfshirjen e oksidit të azotit (gazit të parajsës) në listat e substancave narkotike sipas Ligjit për Kontrollin e Lëndëve Narkotike dhe Prekursorëve. Propozimi..
Një ditë pas aksionit të Prokurorisë Evropiane në “Bulgartransgaz” dhe katër kompani të tjera në vend, ministri i energjisë Vlladimir Malinov dhe drejtori ekzekutiv i kompanisë Kirill Ravnaçki dhanë më shumë informacion nga pala bullgare për..
Pjesëmarrësit e regatës së 67-të ndërkombëtare turistike TID 2024 (Tour International Danubien - TID) u mirëpritën në Vidin. Më shumë se 130 pjesëmarrës nga 10 vende u ankoruan në bregun e Danubit në kalanë Baba Vida. Vidini është ndalesa e dytë..
Presidenti Rumen Radev nënshkroi një dekret për shpalljen e ndryshimeve në Ligjin për Arsimin Parashkollor dhe Shkollor, për propagandimin e "orientimit..
Kuvendi Popullor nuk miratoi projektvendimin për të udhëzuar Këshillin e Ministrave për përfshirjen e oksidit të azotit (gazit të parajsës) në listat e..
Ditën e premte do të mbizotërojë mot me diell. Pasdite në zonat perëndimore dhe qendrore të vendit do të zhvillohen vranësira grumbulluese dhe në..