Deficiti buxhetor i kalon 3 miliardë leva dhe situata vazhdon të përkeqësohet, tha për BNR ekonomisti Mihaill Krëstev. “Megjithatë, kjo nuk është prerogativë e politikanëve në krizën politike në të cilën ndodhemi – ata nuk flasin për financa, ekonomi, politika sociale, por vetëm për interesat e tyre të brendshme partiake”, komentoi ai. Sipas ekonomistit, kriza në financat publike mund të zgjidhet ose duke gjeneruar borxhe të reja ose duke rritur barrën tatimore për bizneset dhe familjet, “gjë që gjithsesi po ndodh gradualisht, megjithëse politikanët pretendojnë se nuk ka një gjë të tillë”. Ai shtoi se kjo bëhet duke rritur të ardhurat maksimale të sigurimit dhe pagën minimale. “Jemi afër absurdit ekonomik që paga minimale të afrohet apo barazohet me mesataren në disa rajone të vendit”, tha edhe Mihaill Krëstev, duke parashikuar se për shkak të kësaj mbylljeje të gërshërëve do të ketë kataklizma.