Në pavijonin bullgar, në kuadër të COP29 në Baku të Azerbajxhanit, më 13 nëntor, presidenti Rumen Radev do të hapë forumin energjetik së bashku me kryeministrin e Greqisë, Kyriakos Mitsotakis, njoftoi zyra e shtypit e kreut të shtetit. Në këtë aktivitet do të diskutohet për lidhjen energjetike midis vendeve evropiane dhe promovimin e prodhimit dhe ruajtjes së energjisë nga burimet e rinovueshme të energjisë. Së bashku me vendet e tjera, me iniciativën e Bullgarisë, do të shpallet synimi për përshpejtimin e bashkëpunimit në këtë fushë. Kreu i shtetit bullgar, me ftesë të kryeministrit grek, do të marrë pjesë në një aktivitet në pavionin grek në COP29, kushtuar zhvillimit të Korridorit Vertikal të Gazit. Bullgaria, Greqia, Hungaria, Rumania, Moldavia dhe Sllovakia marrin pjesë në nismën për të diversifikuar burimet dhe rrugët për transferimin e sasive shtesë të gazit nga jugu në veri.