Si një galerie arti në mes të pyllit e përshkruajnë dëshmitarët shatërvanin me belvedere pranë fshatit Konçerajoni i qytetit Momçillgrad të Bullgarisë Jugore. Fillimi i ndërtimit u dha në vitin 1985 nga babai i Jusein Jusufit dhe një vit më vonë, kur ai u nda nga jeta, veprën e vazhdoi i biri.
Ashtu si trakët, romakët dhe kulturat e tjera që kaluan nëpër malin Rodopa, edhe ai ëndërron të lërë gjurmë. Kënaqësinë e gjen duke parë kalimtarët që ndalojnë për të shijuar shatërvanin buzë rrugës
Katër dekada pas vendosjes së gurit të parë, hapësira është e mbushur me dhjetëra miniatura mermeri. Fatkeqësisht, jo të gjithë vizitorët e trajtojnë krijimin me kujdes.
“Ka pllaka mermeri të thyera, të lyera dhe të hedhura. Mermerin e solla nga Izmiri. Por unë nuk zemërohem. Pres që të ketë edhe njerëz të tillë”, thotë Jusein Jusuf për BTA.
Mjeshtri i shatërvanit buzë rrugës tashmë po mendon projektin e tij të radhës për të pasuruar në natyrë galerinë e tij të artit. Ai zotohet se sa të jetë gjallë do të vazhdojë këtë punë të tij.
Përpilues: Diana Cankova
Përgatiti në shqip dhe publikoi: Svetllana Dimitrova
Foto: BTA
Në ditët e para të vjeshtës, banorët dhe mysafirët e Plovdivit janë të ftuar të kujtojnë hapësira të veçanta, të dashura dhe interesante në qendër të qytetit. Ky rizbulim i veçantë dhe njohje e vendeve të përvetësuara nga emocionet dhe kujtimet personale..
Filmi "Triumfi" i tandemit regjisorial Petër Vëllçanov dhe Kristina Grozeva fitoi çmimin e madh për film artistik në Festivalin e 42-të të Kinemasë Bullgare "Trëndafilin e Artë" në Varna. Filmi mori edhe çmimin për skenarin e shkruar nga dy..
Prof. i Asociuar Marco Scarpa hulumton trashëgiminë e Krilit dhe Metodit dhe rolin e qendrave sllavo-jugore ku janë shkruar librat në të kaluarën (të ashtuquajturat skriptoriume) dhe të letrarëve që kanë punuar në to për lulëzimin e kulturës së..
Pjesërisht me re
Vranësira të dendura
Vranësira