Tema e nxehtë e shtypit sot është ndërrimi i papritur i Sekretarit të Përgjithshëm të Ministrisë së Punëve të Brendshme Georgi Kostov, që u bë dje pas propozimit të Мinistrit të punëve të brendshme Pllamen Uzinov. Në një artikull me titull “Në MPB këmbejnë akuza për presion politik” gazeta “Sega” komenton, se Ministri dhe Sekretari i Përgjithshëm kanë filluar luftë, duke akuzuar njëri tjetrin për ushtrimin e presionit politik vetëm disa ditë pasi pohuan se kanë marrëdhënie të mira profesionale dhe do të punojnë së bashku. E përditshmja informon se ish Sekretari i Përgjithshëm u përgjigjet akuzave për ushtrimin nga ana e tij të presionit politik me një kundërakuzë ndaj ministrit të brendshëm për këtë se ai ka vepruar nën presionin e kryeministrit Ognjan Gerxhikov. Gazeta “Dnevnik” citon në një nga artikujt e vet vlerësimin e ish kryeministrit Bojko Borisov, se ndërrimi i Sekretarit të Përgjithshëm vjen pas ndërrimit të mëparshëm të Prefektëve – këto janë  hapa, të cilat tregojnë se Partia Socialiste Bullgare po përgatitjet për blerjen e zgjedhjeve të ardhshme parlamentare. “Trud” dhe “24 orë” shkruajnë se kryeministri i qeverisë teknike Ognjan Gerxhikov i ka ironizuar këto pohime të Bojko Borisovit, duke thënë se autori i tyre është i shkëlqyeshëm dhe meriton çmim Nobel. “Standard” kujton se Sekretari i Përgjithshëm i përjashtuar dje Georgi Kostov e zuri këtë post në vitin 2015 pas dorëheqjes skandaloze të ministrit të atëhershëm të brendshëm Veselin Vuçkov. Vuçkovi dha dorëheqje sipas dëshirës së vet, pasi insistonte për ndërrimin e Sekretarit të atëhershëm të përgjithshëm Svetllozar Llazarov dhe shefit të Agjencisë Shtetërore të Sigurimit Kombëtar Vlladimir Pisançev. Atëherë kryeministri Borisv insistonte që ata të mbeteshin në postet e tyre. Mirëpo pas dorëheqjes së pranuar të Vuçkoviut Borisoi kërkoi dhe pranoi edhe dorëheqjet e tyre. Ministrja e atëhershme e re Ruimjana Bëçvarova propozoi emërimin e Georgi Kostovit për Sekretar të Përgjithshëm, për të siguruar vazhdimësinë në punën e Ministrisë.

Përpiloi: Stoimen Pavllov

Përgatiti në shqip: Jordanka Ivanova