Shikim në të kaluarën me ekspozitën “Sofja në agimin e lirisë”

Si dukej qendra e Sofjes, çfarë ishte e përditshmja e banorëve dhe si ata jetuan në kohën pas Çlirimit të Bullgarisë nga zgjedha turke? Pikërisht këtë prezanton ekspozita “Sofja në agimin e lirisë”. Ajo u organizua nga Muzeu Historik i kryeqytetit dhe i kushtohet përvjetorit të 139-të të Çlirimit të vendit. Vizituesit mund t’i kënaqen artit të austriakut Jozef Oberbauer të prezantuar me 22 akuarele. Ai punonte në kadastrën e Sofjes. Në Austri studionte shkenca inxhinierie dhe pikturim. Në Bullgari erdhi për të kërkuar punë. Më shumë për ekspozitën mësojmë nga Marijana Marinova – shefe e aktiviteteve shkencore dhe ekspozite.

СнимкаNë ato tablo është e rikrijuar një Sofja, e cila që prej kohe nuk ekziston, ajo është e zhdukur. Mund të shihen veshjet tipike të asaj epoke. Në peizazhin ka pamje, të cilët tashmë nuk ekzistojnë. Të tillë për shembull janë Kulla me Orë, Çarshia e Argjendarëve, Hani Slivnica. Jozef Oberbaueri i rikrijoi ato vende të gjallëruara, të tilla siç ishin në të kaluarën.

Shumë prej rajoneve të pikturuara në tablotë mund të zbulohen ku janë sot. Kjo përbën një informacion të çmueshëm për të kaluarën e Sofjes, të ruajtur në veprat e këtij krijuesi austriak. Interesi ndaj ekspozitës është i madh, sepse secili mund të zbulojë hollësi për qytetin në të kaluarën. Kështu që ekspozita vlen që të frekuentohet.

СнимкаCilat janë projektet e ardhshme të muzeut? A kanë në plan të prezantojnë tablo nga e kaluara të shoqëruara me fotografi nga e tanishmja?

Kishim një ide të tillë, por koha, për të cilën e realizuam këtë ekspozitë ishte mjaftë e kufizuar. E gjithë kjo kërkonte një përgatitje më të vazhdueshme. Një ekspozitë e tillë do të jetë mirë të rregullohet por në radhë të parë duhet të mendohet mirë se si do të duket. Do të jetë mirë në se një ekspozitë e tillë do të shoqërohet edhe me një album dhe katalog. Kemi në plan të realizojmë këtë koncept në të ardhmen.

СнимкаEkspozita do të qëndrojë deri në fund të marsit. Në kuadrin e saj mund të shihet edhe samovari dhe shpata e revolucionarit bullgar Panajot Hitov, t’i dhuruara atij nga komanda ruse për pjesëmarrjen në Luftën Ruso Turke të viteve 1877 – 1878. Krahas kësaj vizituesit mund të shikojnë sende të punuara dhe të shitura nga mjeshtrit zanatçinj në Çarshinë e Argjendarëve në Sofje.

Përgatiti në shqip: Svetllana Dimitrova

Fotografitë janë ofruar nga Muzeu Historik Regjional i Sofjes

print Printo
Më shumë nga rubrika

Manastiri i Çirpanit “Shën Thanasi” – më i vjetri në Evropë

Me shtëpitë e shpërndara këtej andej, të zhytura ndër pemët e gjelbra, Zllatna Livada “Livadhi i Artë” ngjan më shumë me mëhallë sesa me fshat. Ai ndodhet në trojet pjellore të Trakisë së Artë dhe që prej shekujsh vendi i ka tërhequr njerëzit me..

botuar më 17-06-25 9.35.PD

Manastiri “Shën Kryeengjëlli Mihaill” rreth Ivanovos – vatër e hezikastisë

Dikur manastiret shkëmbore në Bullgarinë Veriore, rreth lumit Rusenski Llom, kanë tërhequr përfaqësues të njohur të natyrës shpirtërore bullgare dhe të letërsisë nga i gjithë vendi, kurse donatorë të tyre kanë qenë vetë mbretëritë bullgar. Që atëherë..

botuar më 17-06-24 9.25.PD

Një shtëpi në qytetin e Koprivshtivës u bë muze i veprimtarisë arsimore rilindëse

“ Lexoni dhe dini, që të mos ju përbuzin dhe të mos u qortojnë fiset dhe popujt tjetër. E grumbullova dhe e bashkova historinë e fisit bullgar në këtë libër në dobinë tuaj. E shkrova për ju, të cilët e doni fisin tuaj dhe atdheun bullgar. E kopjoni këtë..

botuar më 17-06-22 12.40.MD