Partia GERB fiton zgjedhjet e parakohshme parlamentare me 33,4% nga votat e zgjedhësve sipas exit poll-it të Agjencisë “Alpha Research”. Partia Socialiste Bullgare është e dyta me 28,2%, e pasuar nga Lëvizja për të Drejtat dhe Liritë – 10,6%  dhe Patriotët e Bashkuar – 9,2%. Këtë e njoftoi Agjencia “Alpha Research” mbi bazën e numërimit të 50 për qind nga protokollet e seksioneve elektorale. Pjesëmarrja në votime është 52,8%.

Në parlamentin e ardhshëm do të hyjë edhe “Volja” (Vullnet) me 4,8%. Koalicioni “Blloku i Reformatorëve – Zëri i Popullit” ka mbështetjen e 3,8% prej votuesve dhe ashtu qëndron në pragun elektoral nga 4%.

Deri tani nën pragun elektoral mbetet Koalicioni “Po, Bullgaria” (2,3%), DOST (2,7%), “Republika e Re” (2,3%) dhe Koalicioni “ABV – Lëvizja 21” (2%). Për partitë e tjera kanë votuar 1% nga njerëzit. 34,3% nga zgjedhësit e kanë përdorur preferencën.

Nëse numërimi i fletëvotimeve i ripohon të dhënat e exit poll-it, atëherë GERB do të ketë 86-88 deputetë, Partia Socialiste Bullgare – 75-77, Lëvizja për të Drejtat dhe Liritë – 25-27, Patriotët e Bashkuar – 25-27, kurse për “Bllokun e Reformatorëve – Zëri i popullit” mbeten 10-11 vende në parlamentin e ardhshëm.