KE-ja pret rritje të ekonomisë së Bullgarisë

Foto: BGNES

Komisioni Evropian i ruajti prognozat e veta për rritjen e ekonomisë bullgare gjatë këtij viti dhe vitin tjetër në të ashtuquajturin “raport pranveror”. Në të njëjtën kohë Komisioni beson se konsumimi i brendshëm do të vazhdojë të jetë gjeneratori kryesor i rritjes.

Në raportin e ri të Komisionit shënohet se Produkti real i Brendshëm Bruto i Bullgarisë është rritur konsiderueshëm gjatë vitit 2016 me 3.4 për qind në saje të eksportit të mirë neto dhe të konsumimit privat në vend. Në kontrast të kësaj gjatë vitit të kaluar investimet janë kufizuar me 4 për qind kryesisht për shkak të përvetësimit më të dobët të fondeve evropiane.

Sa i përket vitit 2017 KE-ja vazhdon të shpresojë që PBB-ja të rritet me 2.9 për qind, pas së cilës të vonohet deri në 2.8 për qind gjatë 2018-ës, duke ripohuar në këtë mënyrë prognozat e veta “dimërore”. Pritet që kërkimi i brendshëm të mbetet motori kryesor i rritjes dhe të lëvizet kryesisht nga konsumimi privat dhe nga përmirësimi i parashikuar i investimeve në sfondin e përvetësimit të shpejtuar të fondeve evropiane sipas periudhës programore të BE-së deri në vitin 2020. KE-ja shënon gjithashtu se rreziqet për perspektivat ekonomike të Bullgarisë janë të balancuara. Një absorbim eventual më i dobët nga ai i pritur i fondeve evropiane mund të ketë efekt negativ mbi investimet dhe mbi rritjen ekonomike. Duke pasur parasysh karakterin e hapur të ekonomisë sonë, kërkimi më i dobët i mallrave bullgare nga partnerët kryesorë tregtarë dhe më konkretisht nga Evropa, si dhe rritja e rreptë e çmimeve të naftës do të ishin rreziqe të mundshme për prognozat e shpallura të KE-së. Në të njëjtën kohë rreziqet për këto prognoza, por në drejtim rritës përfshijnë një besim më të madh të konsumatorëve nga ai i pritur dhe një progres më të shpejt në reformat e domosdoshme, gjë që mund kontribuojë për rritjen ekonomike të vendit.

Përpiloi: Atanas Cenov

Përgatiti në shqip: Vesella Mançeva
Më shumë nga rubrika

Javor Aleksiev: Tatimi i sheshtë është një nga gjërat, të cilat në të vërtetë punojnë mirë

Në një intervistë për Radion Kombëtare Bullgare ekonomisti Javor Aleksiev tha se gjatë viteve të fundit vëzhgohet një proces i rritjes së pagës mesatare në shtet me 8-10% për vit. Kjo krijon përshtypjen se pak nga pak nivelet e rrogave në Bullgari..

botuar më 17-09-19 1.52.MD

Ndryshim i konsiderueshëm në marrëdhëniet midis Bullgarisë dhe Maqedonisë në saje të biznesit

Kjo javë do të startojë me akoma një lajm të mirë për marrëdhëniet politike mes Bullgarisë dhe Maqedonisë. Pas nënshkrimit të Marrëveshjes së Fqinjësisë së mirë, të dyja vendet tashmë e diskutojnë bashkëpunimin ushtarak. Ministrat e Mbrojtjes të..

botuar më 17-09-18 12.50.MD

Një studim tregoi se vargjet e mëdha tregtare nuk e vrasin, por e zhvillojnë tregun në Bullgari

Shumë bullgarë janë të mendimit se prania në rritje e vargjeve të mëdha tregtare në vend ka pasoja negative për tregun e brendshëm, si injorimi i prodhuesve kombëtarë, shitja e mallrave të importuara, përhapja e mallrave të cilësisë së dytë,..

botuar më 17-09-12 10.35.PD