Një lider i opozitës turke po vazhdon marshimin e vet për drejtësi

Lideri i Partisë Popullore-Republikane në Turqi Kemal Këlëçdaroglu po e vazhdon Marshimin e vet për drejtësi nga Ankaraja drejt Stambollit. Politikani planifikon të kalojë 450 kilometra në shenjë të protestës kundër dënimit të deputetit nga partia e tij Enis Berberogllu, i dënuar në 25 vjet burg mbi akuzën, se ka dhënë informacione sekrete gazetës së përditshme opozitare “Xhumhuriet”. Presidenti Erdogan e paralajmëroi Këlëçdaroglun të mos të befasohet, në qoftë se autoritetet gjyqësore e thërrasin në një moment. Lideri opozitar u përgjigj se nuk do të sprapset përpara provokimit dhe deklaroi, se marshimi i tij është për drejtësinë dhe jo kundër drejtësisë.

Turqia është pro anëtarësisë së Maqedonisë në NATO

Republika e Maqedonisë meriton më shumë nga të gjitha kandidatet të bëhet anëtare e NATO-s, deklaroi në Shkup ministri turk i punëve të jashtme Mevlut Çavushoglu. Pas bisedimeve me kolegun e tij maqedonas Nikolla Dimitrov, Çavushoglu komenton se, Ankaraja do të përkrahë çdo një vendim lidhur me debatin rreth emrit të Maqedonisë, që do të jetë e pranishme njëkohësisht dhe për Shkupin dhe për Athinën. Kurse nga ana e vet Dimitrovi rikujtoi se, ka vendim të Gjykatës Ndërkombëtare në Hagë nga viti 2011, sipas së cilit nuk do të duhet të ketë pengesë që vendi i tij të marrë ftesë për NATO-n, duke nënvizuar se, kjo do të jetë në interes edhe të Greqisë. Për shkak të mosmarrëveshjes për emrin, Greqia e bllokoi anëtarësinë e Maqedonisë në NATO dhe fillimin e bisedimeve për aderim ndaj Bashkimit Evropian.

Athina do t’ia propozojë Shkupit emrin “Maqedonia e Vardarit”?

Javorja greke “Real news” njoftoi se, Athina ka ndërmend t’u propozojë autoriteteve në Shkup emërtimin “Maqedonia e Vardarit” si një variant për zgjidhjen e mosmarrëveshjes për emrin. Një propozim alternativ është mundur të jetë dhe “Republika e Shkupit”, por në të kaluarën pala maqedonase e ka hedhur poshtë gjatë bisedimeve. Sipas “Real news”-it qeveria maqedonase dhe nga ndërmjetësi ndërkombëtar Matju Nimic janë vënë në dijeni me këto ide.

Reagime të ashpra në Serbi pas zgjedhjes së Brnabiçit për kryeministër

Vendimi i presidentit Aleksandër Vuçiç t’ia japë mandat për krijimin e qeverisë ministres së administratës shtetërore dhe vetëqeverisjes Ana Brnabiç shkaktoi reagime të ashpra nga ana e opozitës, kurse sipas disa mediave vendase – edhe në radhët e Partisë Progresive Serbe. Pjesa konservative nga opozita e akuzon udhëheqësin e ri të shtetit, se i është nënshtruar tensionit dhe ndikimit të Uashingtonit dhe pohon se, zgjedhja e Brnabiçit është e imponuar nga Perëndimi. Deputetët e “Serbisë së Bashkuar”, e cila është një pjesë nga koalicioni qeverisës, nuk do të votojnë për zgjedhjen e Ana Brnabiçit. Ajo nuk ka një përkrahje të plotë edhe brenda  partisë së Vuçiçit. Lideri i Partisë Socialiste të Serbisë, njëkohësisht zëvendëskryeministër dhe ministër i jashtëm Ivica Daçiç, i cili ishte përmendur si njëri nga kandidatët për postin e kryeministrit deklaroi se “e respekton propozimin e presidentit”.

Përpiloi: Stoimen Pavllov

Përgatiti në shqip: Nataniela Vasileva

Fotografi: BGNES