Gjatë një operacioni të Drejtorisë së përgjithshme për luftë kundër krimit të organizuar dhe Prokurorisë së Specializuar në territorin e qyteteve Petriç dhe Sandanski në Bullgarinë Jugore, u neutralizua një grup kriminal për shpërndarjen e kartëmonedhave euro të falsifikuara dhe të narkotikëve. Dëshmitë e grumbulluara deri në këtë moment tregojnë se, grupi ka vepruar nga muaji nëntor 2016. Pjesëmarrësit kanë futur para të falsifikuara nga 20 dhe 50 euro në sasi të mëdha nga Italia dhe i kanë shitur tek ne, kryesisht në qytetet Petriç dhe Sandanski, me 20% më lirë nga nominali i parave të falsifikuara. Përveç me futjen në qarkullim të kartëmonedhave të falsifikuara, grupi është marrë edhe me shpërndarjen e narkotikëve, kryesisht marihuanë.