Zëvendëskryeministri i Maqedonisë Bujar Osmani deklaroi, cituar nga agjencia MIA, se Maqedonia e ka përkrahjen e BE-së dhe ka ardhur koha që të fillojë zbatimin e reformave të ngutshme, që të mund të marrë rekomandim absolut deri në fund të vitit, kurse vitin tjetër të fillojë bisedime për anëtarësim në bashkim. Fakti se Bullgaria do ta kryesojë Bashkimin Evropian në këtë periudhë është shumë “i favorshëm”, është i mendimit Zëvendëskryeministri. Që nga viti tjetër në vazhdim të tri ciklave gjashtëmujore BE-ja do të udhëhiqet nga disa vende në regjion – së pari nga Bullgaria, pas kësaj edhe nga Austria dhe Rumania dhe kjo e siguron kontekstin historik dhe klimën pozitive politike për Maqedoninë, thekson Bujar Osmani.