Një anketim i Agjencisë “Alfa Risërç” tregon se zoti Bojko Borisov vazhdon të jetë politikani me besim më të madh ndër bullgarët. Hapat e tij gjatë mandatit të tij të tretë u pëlqehen 32.2 për qind të anketuarve. Zoti Borisov tërheq simpatitë jo vetëm të zgjedhësve të partisë në pushtet GERB, por edhe të përkrahësve të partive të tjera. Me 28.4 për qind miratim, i dyti ndër politikanët për na besimi i zgjedhësve radhitet zëvendëskryeministri dhe ministër i mbrojtjes Krasimir Karakaçanov, i cili është bashkëkryetar i Koalicionit “Front Patriotik”. Dy bashkëkryetarët e tjerë të koalicionit – Valeri Simeonov dhe Volen Siderov janë me miratim përkatësisht nga 13 për qind dhe 6.6 për qind. Veprimet e lideres së Partisë Socialiste Bullgare Kornelija Ninova i pëlqejnë 27.3 për qind prej të anketuarve. Nga udhëheqësit e partive të tjera politike të prezantuara në parlament, lideri i Formacionit “Volja” Veselin Mareshki ka besimin e 18.1 për qind nga të anketuarit. Lideri i Lëvizjes për të Drejta dhe Liri Mustafa Karadajë e ka besimin e 6 për qind të të anketuarve nga Agjencia “Alfa Risërç”.