Sonte Big Bendi i Radios Kombëtare Bullgare do të mbyllë stinën 2017/2018 me një koncert në të hapur. Në skenën para Teatrit Kombëtar “Ivan Vazon” nga ora 18:30 do të dalin saksofonisti Craig Baily dhe këngëtari Petër Sallçev që të prezantojnë muzikën e Rej Çarlzit. Do të tingëllojë këngë të njohura si “Georgia On My Mind”, “I Got A Woman” и “Come Rain Or Come Shine” nën aranzhimin e Craig Baily, si edhe veprat e tij të kompozuara posaçërisht për Rej Çarlzin.

Ky është koncerti i fundit nga një stinë e suksesshme muzikore. Nën udhëheqjen e Antoni Donçevit, muzikantët e xhazit të Radios Kombëtare Bullgare dhanë shumë koncerte në Sofje dhe nëpër vendin me pjesëmarrjen e solistëve të shkëlqyeshëm bullgarë dhe të huaj. Mes tyre janë projektet “Yes and No” me Tommy Smith, “Sketches of Spain” me Rosen Zaharievin – Roko, “Places and Spaces” me Christian Elzese, “Akoma një fillim” me aktorët-këngëtarë Milica Gradnishka dhe Atanas Srebrev dhe “Mr. Sax” me solistët e Big Bendit.