Kryeministrat e Bullgarisë dhe Rumanisë Bujko Borisov dhe Mihai Tudose zhvilluan një bisedë telefonike për mundësitë për bashkëpunim në kuadrin e Strategjisë së Bashkimit Evropian për Danubin dhe Detin e Zi. Këto mundësi janë ndër prioritetet e Kryesisë së ardhshme bullgare të Këshillit të Bashkimit Evropian gjatë pjesës së parë të vitit 2017.

Për sa i përket pikës së kontrollit kufitar mes vendbanimeve Kajnarxha dhe Lipnica, e cila është ndërtuar, mirëpo akoma nuk funksionon, kryeministri rumun u angazhua me zhvillimin e kontrollimeve të domosdoshme dhe me zgjidhjen e problemit. Dy kryeministrat ranë dakord se bashkëpunimi aktiv për realizimin e projekteve të përbashkëta me interes të ndërsjellë do të vazhdojë dhe gjatë shtatorit do të zhvillojnë një mbledhje të përbashkët.