Në fjalimin e tij vjetor para Parlamentit Evropian në Starsburg për gjendjen e BE-së Kryetari i Komisionit Evropian Jean-Claude Juncker tha se më në fund Bullgaria dhe Rumania duhet të pranohen në Hapësirën Shengen. 

Ai u bëri thirrje gjithashtu të gjitha shtetetve që të tregojnë përgjegjësi më të madhe për mbrojtjen e kufijve të jashtme të Komunitetit. Bullgaria, Italia dhe Spanja nuk duhet të kujdesen vetë për sigurinë e kufijve, mendon Kreytari i Koisionit Evropian. 

Ai përkrahi idenë për implementimin e valutës së përbashkët në të gjitha shtetet e Bashkimit, përfshin edhe shtetet më të varfëra të Evropës Juglindore. 

Zoti Juncker bëri thirrje gjithashtu për dhënien e një perspektive të qartë për pranimin në BE të shteteve të Ballkanit Perëndimor, mirëpo nënvizoi se një politikë e ngjashme për Turqinë është e pamundshme në të ardhmen e afërt.