Pasi gjatë disa ditëve të fundit të shtatorit Instituti për Analiza dhe Vlerësime të Turizmit konstatoi se stina turistike verore ka qenë shumë e suksesshme dhe deri në fund të vitit mund të pritet rritje e turistëve prej 8 %, madje më shumë, gjatë ditëve të para të tetorit Asociacioni i Turoperatorëve dhe Agjencive Turistikë Bullgare kërkoi dorëheqjen e Ministres së Turizmit Nikolina Angellkova. Sipas turoperatorëve të dhënat për numrin e turistëve të huaj janë zmadhuar, reklama turistike kombëtare nuk disponon vizion strategjik, marketingu turistik është kaotik, kurse Ministrja Angellkova nuk disponon kompetencat profesionale dhe kapacitetin administrativ për t’i përballuar problemet, të cilat po thellohen gjithnjë e më shumë. Disa prej anëtarëve të Asociacionit i refuzuan kritikat, por Këshilli Drejtues i qortoi se duke u marrë me udhëtimet jashtë shtetit, ato janë jo vetëm indiferentë ndaj situatës brenda vendit, por madje fitojnë, në qoftë se bullgarët udhëtojnë më shumë jashtë shtetit. Mirëpo, Angellkova u përkrah nga Bordi Kombëtar i Turizmit. Sipas tij nën udhëheqjen e saj Ministria ka arritur ta shndërrojë Bullgarinë në një destinim më të njohur dhe tërheqës në tregun turistik evropian dhe botëror. Nga ana tjetër Bordi paralajmëroi se kërkimi i dorëheqjes së Ministres në një moment, kur po përgatiten ndryshimet në legjislacionin për turizmin, është i papranueshëm. Një pozitë të favorshme për Angellkovën zuri gjithashtu Bashkimi Bullgar i Balneologjisë dhe SPA Turizmit. Sipas mendimit të tyre ajo ka kontribuuar për ndryshimin e mendimit se Bullgaria është një destinim sezonal, i njohur vetëm si një destinim detar gjatë verës dhe malor gjatë dimrit. Meqenëse nuk kishte reaksion nga ana e qeverisë, shoqëria mbeti me përshtypjen se dega turistike përjeton kundërshtime serioze të brendshme.
Përpiloi: Stoimen Pavllov
Përgatiti në shqip: Vesella Mançeva
Sezoni i skive duket se do jetë i suksesshëm, ky është mendimi i punëtorëve në këtë sektor. Dimri me borë, të paktën tani për tani, jep arsye për optimizëm, ashtu si dhe numri i rezervimeve në resortet tona. Në praktikë, dy konfliktet ushtarake - në..
Sofja është në vendin e tretë në mesin e qyteteve evropiane më të përshtatshme për udhëtime në fundjavë në vitin 2024, njoftoi qendra e shtypit e aeroportit të kryeqytetit. Ata citojnë renditjen e TripAdvisor, e cila bazohet në të dhënat dhe..
Fotot unike të burrave të maskuar të quajtur kukerë po përhapen në internet, duke treguar një pjesë të vogël të pamjeve të kapura nga një ekip i National Geographic në Bullgari. Operatorët nga kanali i famshëm televiziv shkencor po përgatisin një film..
Këtë vit moti është në anën e turizmit bullgar! Falë temperaturave të larta, pushimet e fundjavës në male apo në fshat janë “aktivizuar” tashmë që në..