Kundërvënia e korrupsionit – pikë bashkimi apo pikë ndarjeje për politikanët bullgarë?

Arsye kundërthënëse dështuan debatin për luftimin e korrupsionit në mbledhjen e Këshillit konsultativ të sigurisë kombëtare.
Foto: BGNES

Në ditën e parë të kësaj jave u bëmë dëshmitarë të një dështimi të pashembullt të mbledhjes së Këshillit konsultativ të sigurisë kombëtare pranë Presidentit të republikës. Ky organ nuk është detyruar të marrë vendime, mirëpo ideja është që të bashkërendojë veprimet dhe synimet e faktorëve të ndryshëm politikë për çështje të rëndësishme për shoqërinë tonë. Në rastin konkret një çështje e tillë është përcaktimi i masave legjislative për kundërvënien e korrupsionit.

Pas dëgjimit të raporteve të institucioneve përkatëse nuk u diskutua pozita e përbashkët dhe Presidenti e mbylli mbledhjen për shkak të “mungesës së kuorumit”. Kryeministri vonoi për të për shkak të takimit të tij me punëtorë protestues, disa zëvendëskryeministra nuk ishin të pranishëm, disa prej pjesëmarrësve të tjerë u larguan para përfundimit të saj. Në këtë situatë Partia Socialiste Bullgare akuzoi qeveritarët se pengojnë përpunimin e strategjisë për luftimin e korrupsionit, kurse nga partia në fuqi GERB arsyetuan mungesën dhe ikjen e parakohshme të përfaqësuesve të saj me “detyra pune”. Tepër i indinjuar, sepse e kishte thirrur Këshillin konsultativ të sigurisë akoma më 30 gusht, Presidenti Radev komentoi me ton therës se luftimi i korrupsionit mund të arrijë sukses vetëm kur ai bëhet prioritet ndër angazhimet e tjera të politikanëve dhe shpalli mbledhjen tjetër të Këshillit më 17 tetor, pa ndryshuar temën e saj.

Konfrontimi mes përfaqësuesve të partisë qeverisëse dhe Presidentit pritej, sepse gjatë ditëve të fundit GERB-i drejtpërsëdrejti akuzoi kreun e shtetit në korrupsion, kurse nga ana e tij Presidenti u përgjigj se partia qeverisëse ka filluar luftë kundër tij dhe do ta marrë përgjigjen adekuate.

Nga Këshilli paraprakisht u larguan dhe përfaqësuesit e Lëvizjes për të Drejtat dhe liritë dhe parisë “Volja” – diçka që tregon negligjencën e tyre ndaj këtij problemi.

Një negligjencë, e cila është e pakuptueshme dhe e shqetësuese, po të kemi parasysh se korrupsioni në Bullgari kritikohet vazhdimisht nga Brukseli tashmë aq shumë vite me radhë. Negligjencë në një çast, kur Sofja kërkon nga Komisioni Evropian ndërprerjen e monitorimit të rendit të brendshëm dhe të sistemit të drejtësisë, kështu edhe pranimin tonë në Hapësirën e Shengenit. E pakuptueshme është gjithashtu kundërvënia e ashpër mes politikanëve, pavarësisht nga domosdoshmëria për konsolidimin e përpjekjeve në lidhje me kryesinë bullgare të këshillit të Bashkimit Evropian, e cila do të fillojë pas më pak se tre muajsh.

Pak pas dështimit të mbledhjes së Këshillit konsultativ të sigurisë kombëtare qeveria doli me një komunikatë, në të cilën pohoi se të gjitha pohimet për bojkotimin e mbledhjes nga ana e qeverisë janë spekulative. Qeveria përkrah plotësisht përpjekjet e Presidentit të republikës për konsolidimin e institucioneve në kundërvënien e korrupsionit dhe kabineti do të vazhdojë aktivisht të marr pjesë në këtë proces – thuhet gjithashtu në këtë komunikatë. Qeveria nënvizoi gjithashtu se luftimi i korrupsionit është ndër prioritetet e punës së saj, duke përfshirë këtu përgatitjen e legjislacionit kundër korrupsionit deri në fundin e këtij viti.

Mundësinë për ta bindur shoqërinë bullgare në këto pohime kabineti do ta ketë pikërisht pas një jave – më 17 tetor, kur do të zhvillohet mbledhja e dytë e Këshillit Konsultativ me të njëjtën temë.

Përgatiti në shqip: Jordanka Ivanova

Më shumë nga rubrika

Njohja e pakicës bullgare i bashkoi deputetët në Kuvend

Disa ditë pas miratimit të projektligjit për mbrojtjen e pakicave kombëtare në Republikën e Shqipërisë, më shumë për qëndrimet dominuese në shtet na tregoi Konsulli i Nderit i Republikës së Bullgarisë në Shqipëri Selim Hoxhaj. Sipas tij ky..

botuar më 17-10-18 2.20.MD
Andrej Kovaçev dhe Petër Korumbashev

Bullgaria – mediator në marrëdhëniet mes vendeve-anëtare të BE-së

Selia e Komisionit Evropian në Bullgari ishte mikpritëse e debatit për sfidat , me të cilat vendi ynë do të ndeshet pasi merr kryesinë e BE-së nga  data 1 janar 2018. Organizatorët  janë Lëvizja Evropiane dhe Bashkimi i Federalistëve Evropianë...

botuar më 17-10-16 4.28.MD

Takimi vjetor i autoriteteve vendore bullgare

Më 12 tetor në Bullgari shënuam Ditën e bashkive bullgare, kurse sot, 15 tetor, zhvillohet takimi i 12-të vjetor i autoriteteve vendase. Në lidhje me këto ngjarje para Radios Kombëtare Bullgare Drejtoresha ekzekutive e Shoqatës Kombëtare të..

botuar më 17-10-15 10.10.PD