Më 12 dhe 13 tetor në Sofje do të zhvillohet Asambleja e 14-të ligjore e Bashkimit Evropian për Radio dhe Televizion (EBU). Në forum, mikpritëse e të cilit do të jetë Radioja Kombëtare Bullgare, do të marrin pjesë më se 80 delegatë nga 42 organizata mediatike nga 28 shtete.

Tema kryesore e programit është “Menaxhimi i mediave publike në botën e digjitalizuar”. Drejtori i sektorit të mediave pranë EBU-së Jean Philp de Tender do të bëjë një prezantim të ndryshimeve digjitale në mediat publike. Për praktikat e mira në udhëheqjen e mediave publike do të flasë drejtori i EBU-së për çështjet e së drejtës së medias dhe komunikacioneve Michael Wagner, kurse për aplikimin e një modeli të ri në Britaninë e Madhe – Gareth Barr nga rregullatori britanik i komunikacioneve OFCOM.

Një ligjëratë me temë “Shembulli Bullgar” do të mbajë Milen Mitev – këshilltari i përgjithshëm juridik i Radios Kombëtare Bullgare dhe anëtari i komitetit ligjor të EBU-së.