Në Sofje filloi mbledhja e Asamblesë së 14-të Ligjore të Bashkimit Evropian për Radio dhe Televizion (EBU), mikpritëse e së cilës është Radioja Kombëtare Bullgare.

Përshëndetje ndaj pjesëmarrësve drejtoi Zëvendësministri i Kulturës Rumen Dimitrov, duke thënë se Bullgaria do të jetë qendra e dialogut dhe kompromiseve të arsyetuara, ku do të argumentohen qëllimet e tregut të vetëm digjital, ku do të mbrohen të drejtat e autorëve dhe të drejtat e tjera të ngjashme në mediat publike.

Në fjalimin e tij gjatë çeljes së mbledhjes drejtori i përgjithshëm Radios Kombëtare Bullgare Aleksandër Velev tha se digjitalizimi është e ardhmja e radios, sfidat e lidhura me digjitalizimin janë të shumta, por njëkohësisht ai jep shumë mundësi dhe përparësi për shërbime më të mira. Sipas tij do të bëhet çmos për implementimin e radios digjitale (DAB+) në tregun bullgar.