Parlamenti njëzëri rizgjodhi Maksim Minçevin drejtor të përgjithshëm të Agjencisë Telegrafike Bullgare. Ai është në këtë post që nga viti 2003. Në vitin 2012 ishte kandidati i vetëm dhe prapë u rizgjodh. Mandati i tij i tanishëm përfundon më 21 dhjetor të këtij viti. Kjo, sepse në Ligjin për Agjencinë Telegrafike Bullgare, miratuar në vitin 2011, caktohet, se një njeri e ka të drejtën të zërë këtë post dy mandate nga 5 vjet. Kjo do të thotë se Minçevi mund të mbetet drejtor i përgjithshëm i Agjencisë deri në vitin 2022. Ndër prioritetet në konceptin e Minçevit janë investime në njerëzit dhe në teknologjitë, zgjerimi i rrjetit të korrespondentëve, digjitalizimi i arkivave të agjencisë e kështu me radhë.