Popullarizimi i turizmit të verës dhe atij kulinar do të inkurajojë interesin e turistëve në brendësinë e Bullgarisë dhe do të ripohojë imazhin e vendit tonë si një destinacion turistik gjatë tërë vitit. Këtë e bëri të ditur Ministrja e Turizmit Nikolina Angellkova, e cila paraqiti bashkë me Ministrin e Bujqësisë Rumen Porozhanov projektin “Ndaje Bullgarinë”, një iniciativë të përbashkët të dy dikastereve. Projekti përfshin përpunimin dhe popullarizimin e 12 destinimeve të reja turistike për turizmin e verës dhe atë kulinar në Bullgari, të cilat do të shpallen në mes të vitit 2018. Iniciativa “Ndaje Bullgarinë” do të popullarizojë të ashtuquajturin “slow turizëm” (turizëm i ngadaltë). Koncepti i tij është lidhur me ruajtjen e traditave dhe kulturave, kurse theksi vihet te ushqimi vendas, vera dhe zakonet, tha gjithashtu Angellkova.