Bullgarët nëpër botë ëndërrojnë të mund të dëgjohen në Atdhe

Pavarësisht se janë larg Bullgarisë, ata gjithmonë e mbajnë në zemrat e veta
Foto: arkiv

Bullgarët nëpër botë ëndërrojnë të dëgjohen në Atdhe, u bë e qartë pas sesionit të 8-të të Parlamentit Botëror të Bullgarëve, i cili u zhvillua më 4 dhe 5 nëntor në Sofje. Kjo është një strukturë e cila ka lindur gjatë kohës së Këshillit të Parë të Madh të Bullgarëve në botë gjatë vitit 2008. Në të qe prezantuar dëshira e organizatave joqeveritare civile nga Bullgaria të marrin parasysh dhe të dëgjojnë vullnetin, problemet dhe synimet e bashkatdhetarëve tanë, të cilët jetojnë nëpër të gjithë botën. U krijua Asociacioni i Bullgarëve nëpër Botë, dhe qe zgjedhur Parlamenti Botëror i Bullgarëve, i cili përfshin 200 delegatë - 100 nga Bullgaria dhe 100 nga diaspora, të zgjedhur për një periudhë 5 vjeçare. Parlamenti ka për qellim të mbrojë të drejtat dhe interesat e bullgarëve nëpër botë.

Në këtë sesion kishim një numër rekord të përfaqësuesve të bullgarëve nëpër botë - 87 prej 100 delegatëve nga jashtë, tregon për Radio Bullgarinë akademiku Grigor Velev, kryetar nderi i Asociacionit të Bullgarëve nëpërBotë. Jashtëzakonisht i lartë qe aktiviteti i tyre - çdo një e tha dhimbjen dhe njëzëri konstatuam se shteti bullgar bën shumë pak ose pothuajse asgjë për diasporën bullgare. Mbi bazën e diskutimeve këtu, tanimë 7 vjet me radhë dërgojmë një Libër të Bardhë me raporte, por nga institucionet nuk marrim përgjigje të paktën se e kanë marrë. Tani do ta dërgojmë dhe deri tek mediet në vend - gjithsesi ndokush do të dëgjojë se cilat janë problemet”.

Mes problemeve ka të tilla të cilat janë të lidhura me nxjerrjen e dokumenteve për prejardhje bullgare, me pakësimin e numrit të njerëzve të cilët deklarojnë prejardhje bullgare në bashkësitë bullgare të formuara historikisht jashtë kufirit, me vështirësi gjatë mësimit të gjuhës bullgare nga të rinjtë në rritje e sipër, për shkak të mungesës së mësuesve e të tjera. “Parlamenti Botëror i bullgarëve është një përkrahje për ata, të cilët jetojnë jashtë Bullgarisë - një mundësi të mund të shprehemi dhe të mund të dëgjojnë problemet tona këtu në Bullgari”, theksoi nga tribuna një delegat nga Moldavia. Një bashkatdhetari ynë tjetër nga Shkupi drejtoi kërkesë për një lidhje edhe më aktive me institucionet qeveritare, që të mund të kthjellohen idetë konkrete të cilat janë të drejtuara ndaj ndalimit të zhdukjes së kombit bullgar. Nga pala bullgare qe prezantuar dhe mundësia që bullgarët nga Ukraina të mund të marrin arsim të lartë  në Universitetin Teknik në qytetin Varna. Sivjet Ministria e Arsimit dhe Shkencës i shtoi kuotat për të rinjtë nga bashkësitë bullgare historikisht të lindura në Moldavi, Ukrainë, Maqedoni, Shqipëri, Kosovë,  Serbi dhe Maqedoni dhe tanimë në universitetet bullgare mund të arsimohen nga 1000 studentë të tillë. Mbërritja e të rinjve në atdheun e tyre përveç se është një ëndërr e shumëpritur del se është dhe një problem, sepse shpesh ndeshen me kushtet e këqija jetike, për të cilat tregoi Natalia Krasko nga qyteti ukrainas Melitopol.

Natalia Krasko është Doktore në etnologji, jep mësime në lëndën e historisë dhe të etnologjisë në Universitetin Pedagogjik Shtetëror të Melitopolit. Që nga viti 2013 merr pjesë në mbledhjet e Parlamentit Botëror të Bullgarëve:

Ajo të cilën e bën organizata, është të mund të paktën njëherë në vit të takohemi , të mund të ndajmë problemet, të themi se kush çfarë mundet. Ne mbështetemi vetëm tek vetja jonë. Pasi njihemi këtu bëhemi miq dhe në Facebook, këmbejmë përvojë dhe çdo një prej nesh mund të ndihmojë me diçka gjatë zgjidhjes së problemit. Për shembull gjatë vitit 2012 binjakëzuam qytetin Melitopol me qytetin bullgar Sliven, në sajë të këshilltarit komunal Ivan Ivanov, i cili tani është kryetar i Këshillit Publik për Bashkëpunim me Bullgarët nga diaspora besarabo-thauriane. Aktualisht në qytetin Sliven tanimë ka më shumë se 100 bullgarë thaurianë.“

Në intervistën e saj për Radio Bullgarinë Natalia Krasko tregon hollësira kureshtare për jetën e bashkësisë bullgare në qytetin Melitopol, për dëshirën e fëmijëve të mësojnë gjuhën bullgare dhe për rolin e Shoqatës së Melitopolit për kulturën bullgare “Ballkan”, që tanimë 25 vjet punon për ruajtjen e traditave dhe gjuhës bullgare. 

Përgatiti në shqip: Nataniela Vasileva

Më shumë nga rubrika

Në pazar në qytetin Kubrat

Pazari i ditës së diel në qytetin Kubrat, rrethi i qytetit Razgrad /Bullgari Verilindore/, nuk është një vend i zakonshëm për të bërë pazar. Në treg  njerëzit takohen, këmbejnë informatë, marrin lajme nga të afërmit e vet, të cilët janë jashtë..

botuar më 18-04-25 3.05.MD

Partnerët nga BE-ja dhe OKB-ja e përkrahën Presidencën Bullgare të Këshillit të BE-së në përpjekjet për zhvillimin e politikave për rininë në plan evropian dhe botëror

Konferenca rinore evropiane, e cila u zhvillua para disa ditësh në Sofje, është një aktivitet i madh, i organizuar si një platformë për dialog mes të rinjve nga Ballkani Perëndimor dhe Partneriteti Lindor dhe njerëzve në poste udhëheqëse politike..

botuar më 18-04-24 3.19.MD

Me “Thirrje për bashkëpunim nga Sofja” mbaroi konferenca për arsim efektiv digjital

“Arsimi dhe zhvillimi i teknologjive digjitale janë ndër theksat kryesore të Presidencës Bullgare të Këshillit të BE-së”, komentoi Jasen Djullgerov, anëtar i Presidencës së Përhershme Bullgare pranë BE-së. Pikërisht arsimi ishte theksi i..

botuar më 18-04-24 11.55.PD