Do të kemi suksese në sistemin e drejtësisë kur politikanët fillojnë të japin llogari para qytetarëve, jo para Brukselit. Këtë e tha para gazetarëve Presidenti bullgar Rumen Radev. Sipas tij komentet për raportin e radhës të Komisionit Evropian për Mekanizmin për Bashkëpunim dhe Vlerësim janë kontradiktore, sepse vetë raporti nuk sjell informacione të sakta.

Mendoj se bullgarët prej kohësh nuk besojnë në këto raporte, sepse ato zhvendosin përgjegjësinë – për shkak të tyre politikanët bullgarë nuk përgjigjen për veprimet e tyre para njerëzve, por para Brukselit – tha Kreu i Shtetit. Sipas tij më e rëndësishmja tani është që bullgarët të binden në efikasitetin dhe drejtësinë e gjyqësorit, të shikojnë se ka veprime reale kundër korrupsionit dhe padrejtësisë në shoqëri.