Vërtetimi i nënshkrimit të përkthyesit të dokumenteve nga jashtë do të kryhet nga të gjithë noterët bullgarë dhe jo siç deri tani – nga selia e Ministrisë së Punëve të Jashtme në Sofje. Këtë e parashikojnë ndryshimet e miratuara nga qeveria në Rregulloren për ligjësimet, vërtetimet dhe përkthimet e dokumenteve dhe të letrave të tjera. Si rrjedhojë e këtyre ndryshimeve nuk do të ketë nevojë që përkthyesit dhe qytetarët të udhëtojnë deri në kryeqytet me qëllim vërtetimin e një dokumenti të veçantë, i cili do të përdoret në vend. Për shërbimin e deritanishëm MPJ-ja grumbullonte një taksë prej 15 levash, kurse i njëjti shërbim tek noterët do të kushtojë 6 leva. Që të garantohet sigurimi juridik i dokumenteve, përkthyesi do të legjitimohet para noterit me dokument të lëshuar nga MPJ-ja, dokument ky i cili vërteton se ai është i pranishëm në listën e përkthyesve të dokumenteve.