Autoritetet bullgare bëjnë përpjekje të mëdha dhe të gjithë në Komisionin Evropian jemi të bindur, se kjo do të jetë një Presidencë e suksesshme e Këshillit të BE-së. Këtë e komentoi udhëheqësi i përfaqësisë së Komisionit Evropian në Bullgari Ognjan Zllatev para një botimi regjional të qytetit Pllovdiv, njoftoi qendra e shtypit të përfaqësisë. Sipas zotit Zllatev, Presidenca e Këshillit të BE-së do të jetë një faktor i rëndësishëm, sepse gjatë 6 muajve të ardhshëm tërë Evropa do të fletë për Bullgarinë. Në këtë kuptim dobitë indirekte për vendin tonë dhe për shtetasit bullgarë, për ekonominë, për biznesin dhe për turizmin do të jenë tepër të larta. Bullgaria do të bëhet më e dukshme mbi hartën e botës dhe do të tërheqë vëmendjen e të tjerëve.