Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Liljana Pavllova: Bullgaria merr timonin e Bashkimit Evropian në një det të turbullt me shumë sfida

БНР Новини
Foto: BTA

Ministrja për Presidencën bullgare të Këshillit të Bashkimit Evropian Liljana Pavllova në ditën e çeljes zyrtare të Kryesisë dha një intervistë posaçërisht për Radio Bullgarinë:

Ajo e cilësoi datën 11 janar si historike dhe u argumentua kështu: Kjo datë është historike, sepse 11 vjet pas aderimit tonë në BE (diçka, e cila ishte ëndërr dhe kauzë e të gjithë bullgarëve), tani e kemi mundësinë të marrim timonin e drejtimit të anijes së quajtur Bashkim Evropian dhe të familjes së madhe evropiane, në detin e turbullt të sfidave të mëdha. Detyrat kryesore janë në disa drejtime. Më e rëndësishmja është tema për sigurinë dhe qëndrueshmërinë e Evropës. Ky qëllim mund të arrihet vetëm po të arrijmë mirëkuptim mbi temën për përforcimin e kufijve të jashtme, mbi çështjen për zhvendosjen e refugjatëve dhe po të punojmë në mënyrë më efektive për këtë proces. E ardhmja e Evropës, buxheti i ardhshëm i përbashkët i Evropës – shumë janë temat që do t’i diskutojnë gjatë ditëve të ardhshme.

Motoja e bashkimit Evropian është “Të bashkuar në diversitet”. Sa reprezentative mund të jetë Bullgaria në pasqyrimin e këtij apeli? Liljana Pavllova është e sigurt se shteti ynë mund të jetë shembull për tolerancë në rajon.

Bullgaria dhe qeveria bullgare e Kryeministrit Bojko Borisov (në kuadrin e mandatit të vet të tretë) punojmë në të vërtetë në përputhje me mesazhin për tolerancë etnike dhe religjioze. Mendoj se këtë e kemi provuar shumë herë. Përpiqemi të tregojmë në të gjitha mënyrat - të drejtpërdrejta dhe të tërthorta, se Bullgaria si një shtet në udhëkryq mes Lindjes së Perëndimit, si një shtet me tradita, me komunitetettë ndryshme religjioze dhe etnike, jeton në fqinjësi të mirë dhe në tolerancë. Ky është mesazhi ynë ndaj Ballkanit Perëndimor – vetëm me tolerancë dhe së bashku mund të arrijmë unitet.

Pritet se në kuadrin e Presidencës Bullgare të Këshillit të Bashkimit Evropian, në Bullgari do të vijnë mijëra mysafirë, për të cilët shteti ynë është i panjohur. Bullgaria është një thesar, i cili duhet zbuluar – një shtet me histori dhe kulturë të pasur dhe njerëz të mirë. Bullgaria është një vend shumë i përshtatshëm për investime. Kështu që po prezantojmë shtetin tonë edhe si një destinacion për turizëm dhe për investime, edhe si një partner i besueshëm për partnerët tonë nga Ballkani dhe nga Evropa – nënvizoi në intervistën e saj për Radio Bullgarinë Liljana Pavllova, ministrja e Presidencës bullgare të këshillit të bashkimit Evropian.

Përgatiti në shqip: Jordanka Ivanova



Последвайте ни и в Google News Showcase, за да научите най-важното от деня!

Më shumë nga rubrika

Bulqiza ka një potencial të madh turistik

Ndihma bullgare për zhvillimin e turizmit në bashkinë shqiptare të Bulqizës

Një projekt i financuar nga Bullgaria do të rrisë kapacitetet e punonjësve në administratën e Bashkisë së Bulqizës, Shqipëria Lindore, për zhvillimin e turizmit rural dhe malor në rajon, ku banon një pjesë e konsiderueshme e pakicës kombëtare..

botuar më 24-04-26 11.04.PD

Sa do të kushtojë tryeza e Pashkëve për bullgarët këtë vit?

Më thuaj çfarë ke në tavolinë që të të them se çfarë je duke festuar. Kështu, me shaka mund të shikojmë kalendarin bullgar të festave nga e kaluara deri në ditët e sotme. E vërteta është se tryeza ka qenë gjithmonë një element shumë i rëndësishëm i jetës..

botuar më 24-04-26 7.30.PD

61 për qind e prindërve bullgarë mbështesin vaksinat e detyrueshme

61 për qind e prindërve në Bullgari mbështesin vaksinat e detyrueshme dhe 95 për qind e mjekëve të përgjithshëm këshillojnë prindërit që të vaksinojnë fëmijët e tyre për t'i mbrojtur ata nga një sërë sëmundjesh. Këtë e tregon një anketim përfaqësues..

botuar më 24-04-24 4.38.MD