Pas bisedimeve në Sofje me kryeministrin bullgar Bojko Borisov kancelarja federale e Gjermanisë Angella Merkell tha, se Presidenca Bullgare e Këshillit të BE-së është e përgatitur në mënyrë të shkëlqyeshme. Kancelarja falënderoi për përpjekjet e Bullgarisë për garantimin e sigurisë së kufijve të jashtëm të BE-së, dhe sidomos të kufirit bullgaro-turk. Ajo mirëpriti iniciativën e kryeministrit Borisov për një takim të Komisionit Evropian me presidentin e Turqisë Rexhep Erdogan, si dhe idenë e qeverisë bullgare për krijimin e një qendre ndarëse të gazit në qytetin bregdetar Varnë, me ndihmën e së cilës të diversifikohen furnizimet e gazit natyror në Evropë. Kryeministri Borisov siguroi, se Bullgaria do të bëjë gjithçka të mundshme për normalizimin e marrëdhënieve me fqinjët e mëdhenj dhe caktoi dëshirën e BE-së të financojë ndërtimin e autostradave, hekurudhave dhe porteve në Ballkan si një kontribut i çmueshëm në bashkëlidhjen, zhvillimin e turizmit dhe lëvizjen e mallrave dhe ngarkesave në rajon. Kryeministri i Bullgarisë falënderoi për përkrahjen e dhënë presidencës bullgare dhe uroi që në Gjermani sa më shpejtë të formohet një kabinet.