Bullgaria zë vendin e pestë në Bashkimin Evropian për shkak të kredive me probleme, të cilat në qershorin e vitit të kaluar ishin 12.1% nga të gjitha huat dhe paradhëniet, duke pasur parasysh se niveli mesatar për Bashkimin Evropian është 4.6%. Këtë e tregon një raport pune i Komisionit Evropian i cituar nga gazeta “Sega”.

Komisioni Evropian disa herë e kritikoi Bullgarinë për këtë – gjë, e cila i detyroi bankat të ndërmarrin masa të ngutshme  në këtë drejtim. Sipas të dhënave të Asociacionit të bankave  në Bullgari  gjatë shtatorit të vitit 2017 , kreditë me probleme  treguan një ulje të konsiderueshme – deri më 11.7%. Kjo përbën 6.7 miliardë leva. Numër 1 për nga kreditë e këqija është Greqia me 46.9%.  Pasojnë Qiproja me 33.4%, Portugalia me 15.5% dhe Italia me 12.2%.