Debatet rreth votës së parë të mosbesimit ndaj qeverisë u zhvilluan në mungesë të kryeministrit Bojko Borisov, por në praninë e të tre zëvendës kryeministrave Tomisllav Donçev, Krasimir Karakaçanov dhe Valeri Simeonov. Vota e mosbesimit e cila është për dështim në luftimin e korrupsionit kërkohet nga koalicioni “Partia Socialiste Bullgare për Bullgarinë”. “Korrupsioni është një nga pasojat e qeverisjes absurde, modeli i së cilës dështues nuk ofron një strategji të qartë për qeverisjen” – tha në kuadrin e debateve Xhejhan Ibrjamov nga Lëvizja për të Drejta dhe Liri. Nga Partia GERB mbrojtën politikën e qeverisë për luftimin e korrupsionit. Kryetari i Partisë “Volja” Veselin Mareshki tha, se votë e mosbesimit kërkohet për heqjen e qeverisë, por sot kjo do të shtyjë vendin në përjetësi. Pritet mocioni i mosbesimit të votohet ditën e enjte, njofton botimi “Dnevnik”. Vota e mosbesimit përkrahet nga Partia Socialiste Bullgare dhe Lëvizja për të Drejta dhe Liri, gjë që vjen të sugjerojë se ajo do të jetë e pasuksesshme, sepse të dy partitë disponojnë 105 deputetë, ndërsa për heqjen e qeverisë janë të domosdoshme 121 vota.