“Posta Evropiane” me mesazhet e nxënësve, drejtuar Bashkimit Evropian, debati midis skuadrave shkollore mbi temat aktuale dhe problemet e Evropës, punimi i një verore të madhe “Pizho dhe Penda në Evropë” janë vetëm disa nga ngjarjet konkrete, përmes të cilave komuna Llukovit do të realizojë projektin e vet “Prioriteti të jesh pjesë nga Evropa”. Llukovit në fakt është vetëm një nga 93 komunat bullgare/ nga përgjithësisht 264/, të cilat kanë punuar dhe realizojnë fushata të ndryshme informative për popullarizimin e prioriteteve të Presidencës Bullgare të Këshillit të Bashkimit Evropian.
“Presidenca Evropiane është një avantazh për pushtetin lokal”, tha përpara Radio Bullgarisë Daniell Panov, kryetar i Këshillit Drejtues i Shoqatës Kombëtare të Komunave në Bullgari dhe kryebashkiak i qytetit Veliko Tërnovo. “Financimi i lëshuar për këto iniciativa është afro 300 mijë leva, dhe në nivel lokal komunat do të realizojnë ngjarje të shumta, të drejtuara më tepër fëmijëve dhe të rinjve. Mes shfaqjeve të planifikuara ka festa sportive dhe folklorike, diskutime publike, ekspozita, koncerte, atelie artistike, gara kulturoree të tjera. Përmes këtyre veprimtarive deri në mes të vitit komunat do të përfshihen me mbi 2 milionë veta në shfaqje të ndryshme, kushtuara Presidencës Evropiane. Lista me iniciativat konkrete mund të shihet në sajtin e Asociacionit të Komunave në Bullgari.”
279 mijë leva /rreth 143 mijë euro/ janë paratë e parashikuara për shpenzime në buxhetet e komunave për projektet e miratuara në bazë të skemës “Përkrahja e iniciativave të komunave, lidhur me dimensionin rajonal të Presidencës Bullgare të Këshillit të Bashkimit Evropian 2018”. Kështu temat për vlerat evropiane, presidencën evropiane dhe pjesëmarrjen e Bullgarisë në marrjen e vendimeve në një nivel evropian duhet të arrijnë deri në një rreth më të gjerë njerëzish.
76% nga bullgarët mendojnë se, Presidenca bullgare është e rëndësishme për vendin, ku turizmi është njëra nga sferat, në të cilat priten tendenca pozitive në plan afatgjatë. Kryeqyteti i vjetër bullgar Veliko Tërnovo është mes qyteteve, të cilat mbështeten mjaft tek turizmi, dhe gjatë muajve të ardhshëm do të mundohet të tërheqë më shumë mysafirë:
"Ne kemi 2 ngjarje të mëdha, të cilat do të zhvillohen në territorin e Bashkisë së Veliko Tërnovos gjatë kohës së Presidencës Bullgare", sqaron kryebashkiaku Daniell Panov. Por nuk i drejtojmë përpjekjet vetëm drejt programit të Presidencës evropiane. Këtu punojmë vazhdimisht për zhvillimin e potencialit turistik të Bashkisë Veliko Tërnovo, ku theksin e vëmë mbi turizmin kulturor. Akoma përpara 15 vjetëve në qytetin Veliko Tërnovo për herë të parë u zhvillua ekspozita ndërkombëtare për turizëm kulturor. Sa i përket zhvillimit të potencialit kulturor dhe historik të qytetit, jashtëzakonisht e rëndësishme është të hapen dhe objekte të reja. Në këtë mënyrë prezantojmë jo vetëm historinë, por u propozojmë turistëve një politikë më afatgjatë për tërheqjen e tyre në Kryeqytetin e Vjetër bullgar, siç është i njohur Veliko Tërnovo. Në këtë mënyrë ata shtojnë qëndrimin e vet këtu, kanë më tepër mundësi të zgjedhin se çfarë duan të shikojnë. Gjatë vitit 2016 pas shumë viteve të restaurimit arkeologjik hapëm kalanë Trapezica. E falënderojmë shumë Azerbajxhanin, i cili na ndihmoi financiarisht ta përfundojmë këtë projekt. Gjatë vjeshtës së vitit të kaluar krijuam një park me modelet e godinave emblematike nga tërë Bullgaria, të cilat janë dhe monumente të kulturës – ky është një vend, ndaj të cilit aktualisht me të vërtetë ka një interes të madh si nga nxënësit, ashtu dhe nga turistët, të cilët e vizitojnë qytetin Veliko Tërnovo."
Sipas Daniell Panovit komunat bullgare tanimë dinë se si të punojnë mirë duke përdorur mundësitë e ofruara nga programet evropiane dhe të realizojnë projekte të qëndrueshme, të drejtuara përmirësimit të kushteve për jetesë në vendbanimet.
Përgatiti në shqip: Nataniela Vasileva
Foto: arkiv personal
Një projekt i financuar nga Bullgaria do të rrisë kapacitetet e punonjësve në administratën e Bashkisë së Bulqizës, Shqipëria Lindore, për zhvillimin e turizmit rural dhe malor në rajon, ku banon një pjesë e konsiderueshme e pakicës kombëtare..
Më thuaj çfarë ke në tavolinë që të të them se çfarë je duke festuar. Kështu, me shaka mund të shikojmë kalendarin bullgar të festave nga e kaluara deri në ditët e sotme. E vërteta është se tryeza ka qenë gjithmonë një element shumë i rëndësishëm i jetës..
61 për qind e prindërve në Bullgari mbështesin vaksinat e detyrueshme dhe 95 për qind e mjekëve të përgjithshëm këshillojnë prindërit që të vaksinojnë fëmijët e tyre për t'i mbrojtur ata nga një sërë sëmundjesh. Këtë e tregon një anketim përfaqësues..
Një tjetër donacion të madh për rajonin e Prespës së Vogël të Shqipërisë, ku jetojnë edhe njerëz me rrënjë bullgare, bëri Fondacioni “Kujtesa Bullgare”...
Nxënësit bullgarë u kthyen në shtëpi me një komplet të plotë medaljesh pas një paraqitjeje të shkëlqyer në Olimpiadën Ndërkombëtare të Kimisë..
Seanca plenare e lamtumirës e Parlamentit të nëntë Evropian (PE) kaloi nën shenjën e fushatës së ardhshme zgjedhore për Parlamentin e radhës”, tha..