Sukseset bullgare në Lojërat olimpike dimërore

Ekaterina Dafovska

Për pjesëmarrjen e bullgarëve në Lojërat olimpike dimërore mund të thuhen shumë gjëra. Për shembull, se nuk jemi ndër “ato kombet”, të cilat “janë abonuar” me medaljet. Nga një këndvështrim tjetër mund të thuhet se arritjet tona në “sportet e bardha” nuk janë pak për një shtet të vogël, që nuk është i pasur.

Babai i lëvizjes olimpike baron De Kuberten (Pierre de Coubertin) ka thënë se më e rëndësishmja në jetë nuk është triumfi, por beteja, jo të fitosh, por të luftosh me dinjitet. Duke folur për rezultatet e sportistëve bullgarë, mund të them se ato janë fryti i përpjekjeve të denja dhe të punës këmbëngulëse. Duke e respektuar parimin olimpik për pjesëmarrje sipas forcave dhe mundësive të tyre bullgarët marrin pjesë në Lojërat olimpike dimërore rregullisht e pa ndërprerje që nga viti 1936 deri më sot. Dhe po të flasim për sukses, me siguri më parë mendojmë për medaljet e fituara e posaçërisht për ato të arta.

Ivan LebanovNjerëzit që interesohen më shumë për sport kuptojnë mirë, se arritjen e 6, 10, 20 vendeve të para gjithashtu mund të thuhet se është sukses i madh, posaçërisht në disa disiplina konkrete.

Me siguri mund të flasim për sukses duke përmendur vetin 1964 dhe stafetën për gra 3 x 5 kilometra në disiplinën vrapim me ski. Atëherë sportistet bullgare Roza Dimova, Nadezhda Vasileva dhe Krëstana Stoeva arrijnë vendin e pestë.

Pastaj duhet përmendur vitin 1980 dhe slalomin e Lojërave olimpike në Salt Lake City, kur Petër Popangellov u klasifikua në vend të shtete. Në të njëjtin vit një bullgar tjetër – Ivan Lebanov fitoi medaljen e bronztë në vrapim me ski 30 kilomtra. Kjo ishte dhe medalja e parë për vendin tonë në Lojrat olimpike dimërore. Popangellovi arriti të njëjtin rezultat katër vjet më vonë në Sarajevë.

Në Alberville në vitin 1992 pjesëmarrja bullgare ishte  më e fortë në disiplinën biatlon. Nadezhda Aleksieva potuaj fitoi medaljen e bronztë, mirëpo mbeti në vendin e katërt në distancën 7,5 kilometra. Ajo u bë e katërta në stafetën 3 x 7,5 km. bashkë me Iva Shkodreva dhe Sillvana Bllagoeva.

Dhe ja cili është çasti më i lumtur për Bullgarinë! Pikërisht përpara 20 vjetësh në Lojërat olimpike në Nagano të Japonisë Ekaterina Dafovska fitoi medaljen e artë në disiplinën biatlon në distancën prej 15 kilometrash.  Në të njëjtën disiplinë Pavlina Filipova zuri vendin e katërt vetëm dy të qindtat pas mbajtëses së medaljes së bronztë.

Evgenia RadanovaMbresëlënëse ishte dhe pjesëmarrja e Bullgarisë në Salt Lake City në vitin 2002, sepse atëherë për herë të parë sportistët tanë fituan më shumë se një medalje në kuadrin e një olimpiade. Evgenia Radanova në short-track fitoi medaljen e agjendtë në distancën 500 metra, dhe medaljen e bronztë në 1500 metra. Përsëri atje biatlonistja Irina Nikullçina mori medaljen e argjendtë në distancën 10 kilometra. Stafeta bullgare me pjesëmarrjen e sportisteve Pavlina Filipova, Irina Nikullçina Iva Karagjozova dhe Ekaterina Dafovska arriti vendin e katërt. Dhe përsëri në Salt Lake City çifti ynë i patinazhit artistik Albena Denkovska dhe Maksim Stavijski u klasifikua në vendin e shtatë.

Në Torino në vitin 2006 Evgenia Radanova në disiplinën short-track në distancën 500 metra fitoi medaljen e argjendtë. Kështu ajo u bë sportistja më e suksesshme bullgare, që ka marrë pjesë në Lojrat olimpike dimërore.

Përgatiti në shqip: Jordanka Ivanova

Foto: arkiv

Më shumë nga rubrika
Kombëtarja bullgare e futbollit

Bullgaria në vend të 49-të në ranglistën e FIFA-së

Bullgaria është dy vende përpara, duke zënë vendin e 47-të në listën botërore të FIFA-së. Pas më pak se një muaji kombëtarja bullgare e trajnerit Petër Hubçev do të fillojë pjesëmarrjen e saj në grupin e tretë të Ligës së Kombeve, ku është në vend..

botuar më 18-08-16 5.18.MD

Bullgaria përfundoi në vendin e tretë në Kampionatin e Kupës Botërore të Futbollit SATUC

Skuadra e Bullgarisë mbaroi në vendin e tretë në Kampionatin e Kupës Botërore të Futbollit për fëmijë në gjendje të pabarabartë SATUC, pasi fitoi kundër Marokut me 4:2. Kapiteni i kombëtares sonë Asen Trajkov u dekorua me titullin “Portieri më i mirë”...

botuar më 18-08-16 2.52.MD
Bozhidar Antonov

Rekorde të përmirësuara të kalimit të itinerarit Kom-Emine

Bozhidar Antonov nga qyteti Kërxhali shënoi një rekord të ri në kalimin e itinerarit prej 600 kilometrash që nga maja Kom deri në kepin Emine në malin Stara Pllanina. Ekipi i Antonovit vuri në dukje se ai ka qenë shumë përpara që në mes të distancës...

botuar më 18-08-16 12.10.MD